[طالب طب في المستقبل]

وعليكم السلام ورحمة الله وبركاته

اهلين اخي العزيز حياك

شوف راح واصفلك السنه التحضريه في الكلام اللي بقوله

اولا خلك من كلام الناس اللي لا يودي ولا يجيب لانه اكبر مشكله واجهناها في التحضيري هي الاشاعات
والسنه التحضرية علمتني اني مااسمع الا الكلام الموثوق وبس

ثانيا نتكلم عن السنه التحضيريه راح تدرس فيها تسع مواد مقسمه على ترمين
الترم الاول راح تاخذ فيه مواد على حسب خطتك
خطه أ (رياضيات -فيزياء-حاسب - مهارات الاتصال -لغه انجليزيه 1)
خطه ب (كيمياء - احياء -احصاء -لغه انجليزيه 2)
وهي نفس اللي درسته في الثانوي بس بالانجلش وصدقني ان الدراسه بالانجلش اسهل من العربي
وشوف السنه التحضيريه سهله لو تعطيها حقها في المذاكره وصعبه لو تهملها

ثالثا بالنسبه للدكاتره ماعليك في دكاتره كويسين وفي دكاتره .....؟؟ الله لا يوريك بس احلى مافي السنه التحضيريه
انو مافي ولا درجه في يد المدرس مايقدر يضرك في شي اما الاختبارات فهي موحده لجميع طلاب التحضيري
يعني الدكتور حقك ماله صلاح في الاختبارات والتصحيح الكتروني ويعني حتى التصحيح ماله صلاح فيه

رابعا بالنسبه للدوام احيانا من 8-4 العصر واحيانا 12 الظهر انت والجدول حقك

خامسا المعدل اللي وقف عليه الطب هذي السنه 89.333 يعني مايقارب 4.6 هذا هنا في جده
والهندسه 76.222

واتمنى اني افدك

واي استفسار اسال وحنا في الخدمه

اخوك دــ عبدالرحمن المالكي