يا حبيبتي يا عزيزتي نعيد ونكرر الجواب على سؤالك هو انو عندنا هنا في الساودي أريبيا وظائف الصيادلة مصنفة من قبل وزارة الصحة إلى:
صيدلي , صيدلي أول , صيدلي استشاري
يعني مافي وظيفة أو مرتبة من بين هذول الثلاثة اسمها دكتور صيدلي ولا صيدلي إكلينيكي (إلى الآن ما اعترفوبها لأنو لسه مجال جديد طازة من الفرن) .. فعشان يرضونا ويكون في فرق بيننا وبين اللي يدرسوا صيدلة عادية قاموا حطونا في درجة أعلى منهم اللي هيا صيدلي أول (يعني عادي نقعد زيهم نبيع بس رواتبنا أعلى)
مانبيع وبس يعني احنا كان فيه العام يوم تعريفي كذا للصيدله وقابلت بنات الصيدله وقالولي انه فيه وحدة صاحبتهم متخرجه بقراطيسها اتوظفت في الحرس ب13 الف
ماشاء الله وهيا دوامها نصين يعني جزء تبيع وجزء للمنومين تجهزلهم المحاليل وتشرف على وضعهم
*بلس * انه ممكن نصير في العمليات الجراحيه مع الفريق الطبي يعني الدكتور يسوي العمليه واحنا نتابعه ونشوف ايش يحتاج ادوية
*بلس* انه ممكن يصير الدكتور يجي يشخص الحاله واحنا نقرر ايش يحتاج المريض... ترا نتحمل مسؤوليه كبيره اذا تعارضت الادوية او شيء لاسمح الله نروح فيها .. ولا المفروض المفروض تكون وظيفتنا تحت مسمى دكتور صيدلي .... هذا شي
الشي الثاني .. عشان تصيري صيدلانية استشارية لازم تكملي سنتين كمان بعد ما تتخرجي .. السنة الأولى عامة والسنة الثانية تتخصصي (طب أطفال , قلب واورام ,طب نفسي ....)
والسنتين هذي تقعدي تشتغلي فيها طبيعي في وظيفتك مو تدرسي دراسة وبعد هذي السنتين تصيري صيدلانية استشارية ان شاء الله
وعشان أوضح لك أكثر بعد ما تخلصي السنتين هذي انتي حتكون شهادتك أومؤهلك اسمه صيدلانية إكلينيكية لكن بما انه مافي وظيفة بهذا الإسم إلى الآن فحيحطوكي على مرتبة صيدلانية استشارية
أتمنى أكون أفدتك
وإذا تبغي تتعمقي أكثر تواصلي مع العضوة pharm.d لأنها سنة سادس حاليا وخبرتها أكثر مني
وهي الصراحة اللي أفادتني بكلللللللللللللللللللللللللللللللل شي بالتفصيل الله يجزاها كل خير ويوفقها دنيا وآخره يارب