[سلطان الدعدي]

المشاركة الأصلية كتبت بواسطة itx005 السلام عليكم رو رحمة الله،،، الحمدلله على كل حال بالنسبة للاختبار كان زي ما هو متوقع ما في جديد و ما عندي أكثر من اللي قالوه الأخوان والأخوات. بس عندي شوية كلام في نفسي لازم أقوله ، انا للأسف غلطت واخترت اني اختبر في مكة في جامعة أم القرى اللي انا لما اتخرجت من الثانوية شردت منها وسجلت في جدة من سمعتها طبعاً الوضع انا ما أقدر أقول غير إننا كنا إحنا الطلاب زي كأننا في سوق السمك بعد صلاة الجمعة ناس ماهي لاقيه أسمائها وناس مهو مسجلين ودخلوهم والمسؤلين ينفخوا ويطردوا و يقولوا دا شغلنا واحنا عارفينوا(عزت عليا نفسي) وأنواع المضاربات و الهمجية و ماهم عارفين انوا جميع الموجودين ماهم من الشارع وانهم أولاد ناس ، ولا عشان الاختبار الزامي خلاص تصير المعاملة دنيئة لأبعد درجة مدري ليش، يعني لو كنا جايين نختبر ببلاش مدري ايش كان راح يكون وضعنا دخلنا. الاختبار الساعة 9 ومن 6 انا واللي معايا واقفين بالله يأية نفس وبأية طريقة أدخل الاختبار طيب انا يمكن ربنا وفقني ومشي حالي غير و غيري أيش سوى؟ خرجنا الساعة 12 انا ولله الحمد بيتي قريب بس في ناس جايين من قرى و ضاربين مشوار و عندهم أشغال تاني يوم كيف رايحين يسوو؟ المفروض يكون فيه استبيان عن كل مركز للطلاب يوضع بموقع قياس عشان المركز يعرف أداء اللجان وايش بتسوي.... (متى استعبدتم الناس وقد ولدتهم أمهاتهم أحرار)

الله المستعان وانا اخوك ..

فعلا انا كنت حاضر المهزلة ..

وبعد سمعت الدكتور يوم يقول لحراس الامن قفلوا الباب عنا ..يعني حتى المكيف مستخصريه فينا .. و تهاوشت مع الحارس حتى ترك الباب مفتوح لنا ..