[NaOoNa]

مرحبـ1111


انا متابعتكم من بعيييد لـ بعيييد

ماشاء الله عـ البنات اللي كانوا بيشرحوا ويساعدوا الله يسعدكمـ


اليوم كان اختباري والحمد لله خلصت


اخيييير111 مرره تعبت من المزاكرة


حابة افيدكم كيف كان الاختبار بالزبط


لاني كنت حايسة وكان في راسي 100 سؤال نفسي اعرف اجابتوا قبل ما ادخل الاختبار


وصلت مبنى الاختبار الساعة 7 تقريبـ1 دخلت وطلعت جواز سفري + صورة من بطاقة العائلة


شافتوا السكيرتي وقالت لي ادخل يمين دخلت لقيت وحدة تانية سألتي اي مجموعة انتي

وايش اسمي ودورت اسمي من اللستة اللي عندها وعملت هاي لايت عليه

وادتني ورقة صغيرة "بطاقة معلومات دخول الاختبار"


وقالت ادخلي القاعة

دخلت لقيت القاعة مليانة بنات ماشاء الله


وجلسوني قبل الصف الاخير بصفين


مارضيوا اختار المكان اللي اجلس فيه


اول ماجلست عبيت البطاقة اللي ادوني هيا تكتبي فيها اسمك + السجل المدني + رقم الاشتراك

( لانو غير مسموح يكون في يدك شي غير المرسام اللي يحطوه لكي +هويتك + البطاقة اللي يدوكي هيا)

بعدها ادن المغرب وصلينا وبعدها عـ طول بدأت في التعليمات عـ البروجكتر

ووزعوا ورق الاسئلة وهيا مقفلة

كتبت اسمي وتاريخ اليوم

وكملوا تعليمات

الاختبار عبارة عن 6 اجزاء

اول جزء هوا الـ LiSteNing

حـ يقولوولك ضللي في المربع اللي فوق تبع الاسئلة التجربية الجواب دا


وبعدها يبدأ الاختبار


يشغللوا التسجيل وتبدأي تحلي


" صراحة انا مرررررة ما عجبني الصوت ما قدرت اسمع ابدا ابدا حسيت نفسي كأني في الطيارة والكابتن مقرب المايك من فمو وبيتكلم وماني فاهمة ايش بيقول
مع الاخد بالاعتبار انو مستوايا الحمد لله ممتاز مرة في السماعي وكنت حاطة امل كبير اني اجيب الـ 35 فقرة صح عشان حتى لو خبصت في الريدينق او القرامر تفديني درجتي في الليسنينق
بس للاسف في فقرات ابدا ماسمعتها لكن حزرت وحطيت اي جواب
الصوت كان مررة عالي بس من قوة ماهوا عالي ماكان واضح للاسف !!
انا حاولت عـ قد ما اقدر اركز واحل اللي اقدر عليه

خلص جزء السماعي

عـ طول قالو انتقلوا لاول جزء

ويحطولك الوقت عـ البروجكتر

وبدأت الحل اول شي قطعة القراءة بعدها اسئلة عـ القطعة بعدها القرامر

وكل ما يخلص الوقت نروح للجزء اللي بعدوا

الاختبار كلو 5 قطع قراءة

والوقت كافي الحمد لله يعني لاتخافوا


وبعد ما تخلص كل الاجزاء تقفلي ورقة الاسئلة وتخلي ورقة الاجوبة وسطها

ويجمعوا الورق

ويخلوكم تستنوا شوية

لين يتأكدوا برة من العدد وكدهـ

وبعدها كل واحد عـ بيتو

خلص الاختبار الحمد لله

والنتايج قالوا بعد 10 ايام ان شاء الله



رأيي في الاختبار ..

الجزء السماعي .. صراحة مرررررة سهل لللي مستواها متوسط في الانقلش ابدا لا تخاف

سهل سهل سهل بس يبغالك تركزي وتسمعي كويس


جزء الريدينق مستواه متوسط مهو سهل موية ولا صعب مرة


بس يعتبر اسهل بكتيييييييييييييييييير من التوفل والايلتس


انا اتدربت عـ قطع القراءة من هنا تقريبا نفس المستوى


http://www.mrnussbaum.com/readingpassageindex.htm



اللون الازرق Grade 5 aNd aBove


والقرامر سهل برضوا

انا درست القرامر من دا الموقع مرررة مرتب صراحة وفي تمارين


http://www.englisch-hilfen.de/en/grammar/if_type1.htm



يعني بالمختصر لاتشيلوا هم ابدا سووا اللي عليكم وخلاص



الله يستر ان شاء الله اكون ناجحة


ادعولي اذا استفدتوا من كلامي اني انجح وكدهـ