 السلامـ عليكم ورحمة الله وبركاتة
لاحظت على البعض بعد مانزل التسكين زعلوا وتحطموا واللي قال راح حلمه وو الخ
اللي انقبلوا علوم بعضهم متحطمين
واللي في الصيفي بعضهم متحطمين
أنتوا تفكروا أن خلاص إنتهت أحلامكمـ لالا ماإنتهت أبدًا ولا أنتوا فاشلين ولا شيء
أنتوا سويتوا اللي عليكم وهذا مكتوب لكمـ
ولاتفكروا كل اللي دخلوا أي كلية من الكليات الصحية كلهم بينجحون لا صحيح نتمنى لهم النجاح والتوفيق بس هذهِ حقيقة فيه ناس ماتقدر وتطلع أو تحول
إفرضوا دخلتوا طب وصرتوا أطباء فاشلين وتقتلوا في المرضى وش يكون شعوركمـ
وإفرضوا دخلتوا حاجة ماأنتوا حابينها لكن نجحتوا وصرتوا مبدعين ومخترعين وش يكون شعوركمـ
اللي تحلمـ بالمختبرات ونفسها فيه تدخل كيمياء حيوي وتدرسه وبعد ماتتخرج تاخذ سنة أو سنتين تكون مثل سنة الإمتياز وفيه مكافأة 2 وشوي وتصيري مثل خريجة المختبرات
ضاع الحلم ماضاع حققتيه بهذا الشيء
التحويل صعب لازم 4.5 أصحاب المعدلات الواطية صعب يوصلونها إلى 4.5 في سنة
وفيه أشياء بديلة عن أحلامكم وتوصلكمـ إلى أحلامكم اللي تبونها
أنتوا الحين متضايقين بس لو تفكروا فيها راح تلاقوا أن الحلم ماضاع ولا شيء وتقدري تحققيه بشيء بديل
وترا على فكرهـ درسنا أمراض وتشخيصها وعلاجها يعني إذا كان نفسك في الطب الكيمياء الحيوي بديل عنه بعد
والكيمياء الحيوي الكليات الصحية يدرسونه ومتعقدين منه وأصعب شيء بالنسبة لهم ويعانوا منه إحنا عندنا تافه لأن نشوف أشياء أصعب
أصحاب الصيفي حاولوا الحين تجيبوا في المواد من 100 إلى 90 لاتقلوا عن كذا
عشان ترتفع نسبكم ومعدلاتكمـ
أسلوبي مو ذاك الزود
بس كنت أبيكم تفهمون أن إحنا معكمـ وأحلامكم ماإنتهت بل بدت
الله يوفقكم يارب
|
تسلمي الله يريحك بالك اصلا ارتحت من امس ونمت ولا على بالي في شي
بس خوفت من هذه النقطه اللي حددتها بلاحمر
وكمان شوفت الخطة الدراسيه حق الكيمياء الحيوي اغلبها مواد تفجع وتحسي من اسمها كرف
الله يستر