[بيو كيميائية ^_^]

المشاركة الأصلية كتبت بواسطة dna..~ حتدرسي مواد عامه بعدها تتخصصي في كلية العلوم ( رياضيات -كيمياء حيويه -كيمياء -احياء - احصاء ) على فكرة يمكن تكون خيره لكم الله أعلم رزق كل واحد فين..ما يعلمه إلا الله.. انا مريت بنفس حالتكم..صح ماكان في تحظيري لكن كم مره حاولت في الطب لكن سبحان الله في كل مره تفشل ومره جاني قبول في مكه لكن الرفض جاء مني سبحان الله ما ارتحت مع انه كان رغبتي.. بعد ما دخلت العلووم اول ترم ماني طايقتهآ مره و فكرت احوول بعدها اتخصصنآ.. و تخصصي الكيمياء الحيويه اكتشفت ان هو رغبتي مو الطب لوووول لأن الطب اساسًا يعتمد على الكيمياء الحيويه.. ^___^ مافي طبيب ما يدرس الكيمياء الحيويه لأنه اساس العلووم ^_^ بعدها سبحان الله انقلب الكره إلى حب :) حبيت كليتي..رغم ان الناس لسه مو مقدرين ايش يعني تكوني عآآآلمه.. في كندا محد يدرس الطب قبل ما يدرس 4 سنوات في كلية العلووم لأهميتهآ.. سبحان الله و الله دحيييييين صرت اقول الحمدلله يارب اني ماانقبلت في الطب.. لأن الحيوي مو سهل فكيف بالطب؟؟ لا يغركم حرف الدال اللي جنب اسمك تقدروا تجيبوا بأي تخصص كمان قد تكون بسنوات اقل من الطب :) عارفه في ناااس من قلبهم يبغوا طب ولا كليات صحيه لكم حق تحلموا و تتمنوا خاصه لما يكوون طمووح مو مجرد اسم و عشان ينادوني دكتوره لأن دا اكبر ضيااع..لو بس عشان الاسم و الهيبه.. ما تدروا يمكن دخلتوا علوم عشان يمديكم ترفعوا معدلاتكم - لو مو عاليه - و تحولوا بعد سنه؟؟ أو بعد ترم لغير الكليات الصحيه.. الله أعلم فين الخيره لكم.. حبايبي الحياة ما وقفت..وانا ااقول لكم دا الكلام لأني عشت في حاله هستيريه لوول.. من جد دحين اضحك على نفسي كنت في غبااء بصراحه.. معليش آسفه لو ردي زعلكم بس لأن زي ما ذكرت لكم مريت في التجربه العبيطه..^^ و لا تنسوا قوله تعالي في صورة البقره : { وبشر الصابرين } لا تجزعوا و الله معاكمـ.. ومره آسفه قرقرت كتييييييييييييييير ^__^

أنا مثل دنا ماكنت حابة العلومـ وكنت متضايقة وبكيت وإنهرت ووو

بس بعدين رهام ودنا الله يجزاهم خير ماقصروا وإخترت بايوك ويوم إنكتب في الأودس التخصص كيمياء حيوية فرحت فرحة غير طبيعية وصرخت مع إني مستغربة شلون فرحت

ومع أول محاضرة كيمياء حيوية مع د.أمينة مدحت الله يوفقها حبيته وعشقته

والحين أحمد ربي مليون ألف مرة عشاني مادخلت اللي كنت أبيه

والحمدلله الحين مستحيل أغير مع إني قبل كنت مخططة أحول

وماأشوف نفسي في شيء غير البايوكمستري

المشاركة الأصلية كتبت بواسطة sweet_boy اجل ايش تقولو عن حالتي .. حالم بالطب وحالم بالهندسه .. سنين عمري كلها راحت بكلية الحاسبات ..!! هذي اخرتها حاسبات ,, معدلي 3.53 يعني 77.333 يعني تدخلني هندسه . واخرتها يحطوني حاسبات ليه الظلم !! لو ادري انها كذا من البدايه كان رحت معهد واخذت الشهاده الي بتعب فيها 4 سنين بالجامعه عشان اخذها بقسم الحاسبات , ولا حتى اتعلم بالبيت ماهي صعبه !! الله يجازي الي كان السبب :@ . . . لا اله الا الله محمد رسول الله

ألف مبرووك

قول الحمدلله فيه مثل كان نفس الحالة صارت لها

والحين لو تسألها بتحولين لالا مستحيل

هذهـِ خيرة

المشاركة الأصلية كتبت بواسطة alza3eem آه يالقهر ابي هندسه وانقبلت اداره زاقتصاد انا بس ناقص بالنسبه الخاصه حرام التحويل بعد ترم ولا ترمين لأنه انا قرأت اه بعد ترمين ولا هذا بس لمن كان مافي سنه تحضيريه ؟؟؟

بعد ترمـ

وتقدرين من البداية

المشاركة الأصلية كتبت بواسطة أحلى أنثى طيب ابغا احد يشوف مشكلتي إنقبلت في التصاميم والفنون ومعدلي 4 بس المشكله انها في الرحاب وانا كنت في الجامعة انا ما اعيب عليها لاكن ما احبها واصلا ما اتخيل نفسي برا الجامعة السؤال: ممكن احول للجامعة بعد ترم ولا يرفضو؟ وشكرا

ايوا بعد ترم

وحاولي من البداية بعد لأني يصير في بعض الأوقات