بنت جدة ابسالك انا في كلية التربية اختباري اي مبنى اذا عندك خلفية مارديتو علي بخصوص البطاقة
|
لاتشيلي هم المبنى
أصلا ماحتدخلي الكلية
لأن حقون الأمن حيخلوكي جالسة في البوابة علين لما يجوا المسؤلين حقون مركز القياس
وفي البوابة حقون المركز حيشوفوا بطاقتك والأوراق وبعدين يدخلوك
حيقوللك روحي الكليات الأدبية مبنى بيج وأزرق
ولسه حتى لمن تدخلي المبنى حيسألوك إيش رقم مجموعتك وتطلعي البطاقة مرا تانية قبل لمن تدخلي القاعة
ويفضل إنك تجي بدري مرا علشان المرا الي فاتت رتبونا بدري تقريبا كان على 4ونص
الأشياء المطلوب تجيبيها وقت الإمتحان
جيبي بطاقة الأحوال
وإذا ماعندك
جيبي جواز السفر وصورة من كرت العائلة
وإذا ماعندك الجواز
أصل كرت العائلة مع صورة شخصية لك
وإذا ماعندك كرت العائلة
جيبي صورة شخصية لك وتعالي بدري علشان المركز يسولك بطاقة
ولاتنسي تجيبي كمان رقم المشترك بتاعك
وبالتوفيق ياعسل