[ملك ستايل]

المشاركة الأصلية كتبت بواسطة واقعية هههههههههههههه والله ياليت ياقلبي اتمنى تكون الاختبارات بجدة وانا عندي شوية امل انها بجدة لان اللي عملناه مو قليل بس والله ما استبعدها تكون برابغ عشان كده انا طول هالايام بحالة كآبة مزمنة لين اعرف اش وضعنا حتى انا حاسة التخصصات ماحترجع بس ياليت يخلو الموارد البشرية بس انا والله ياطويلة العمر كااااااااااان وركزي على كان فعل ماضي مبني على الفتح مدري السكون لا ل عالفتح اظن كان حلمي ادارة اعمال دولية ومو داخلة غير عشان كده ورجيت كل الناس فيها ولان لها مستقبل وناوية اكمل فيها للدكتوراة إن شاء الله بس على هروج جامعتنا العزيزة ياليت الحق على الموارد البشرية تواضعت شوية بطموحي بس ياليت القاه بس وانتي ياعسل اش ناوية

مرحباا خيتوووو انا ناويه بأذن الله موارد بشريه بالاول كان فكري على ادارة اعمال دوليه عجبني هذا التخصص بس لمن تجين تفكرين فيها ماتصلح للوظايف للبنات مايطلوبها الا لشركات الاجنبيه
بالهى عليك وين شركات اجنبيه هنا خاصه للبنات فعشان كذا من بدايه السنه التحضيريه وانا ناويه على موارد بشريه لسببين الاول انى لمن رحت اختم شهاده الثانويه عند مديرة التربيه والتعليم سالتها عن اهم التخصصات قالت ابدا لاتفكرين اختي في جامعه عبدالعزيز قسم موارد بشريه والى تاخذ الشهاده لها مستقبل مرموق وكمان مرة رحت بنك الراجحى دخلت عند المديرة بسبب بطاقه الصراف حقتى ابغى اعدلها رقم سري جديد فسألتها عن الى عندها شهاده بكالريوس موارد بشريه هل في مجال للوظايف قالتلى اذا عندك شهاده اداره اعمال موارد بشريه تعالى اوظفك تحتي مش مجرد صرافه او خدمه عملاء راح تكونى في الاداره يعنى لها مستقبل وظيفي فعشان كذا كان غرضي من البدايه اني ادخله بس الحين اضافوو قسم تسويق وفكري يروح ويجي عليه عاجبني كمان هذا القسم