^^^^^^^^^^^^^^^^^^^^^^^^^^^^^^^^^^^^^^^^^^^^^
خلاص نوكل امرنا لربي دعوتين طالعين من القلب +ركعتين = كل شي بيتغير
والله كل شي مكتوب صراحه لو نحج على قروننا<<<ههه مسويه قرنين ..وهم يحجو على قرونهم مابيصير الا الي ربي كاتبه ماتدروا بنات فين الخيره ممكن الحين ننام ونقوم نلاقي كل شي اتغير بنات تدرون كان ودي ادخل علمي في الثانوي طبعا الله لايوريكم ماكنت شاطره بس كان لي ميول في العلمي يعني جات عليه مايبون يدخلون علمي ماهوا نيوتن اكبر مثال المهم سبحان الله لمن دخلت ادبي صرت شاطره وحاولت اشد حيلي ولو اني نسمت على اخر ترم ولمن تخرجت ودخلت تحضيري اخدتها بتحدي ومذاكره وكل شي الرياضيات والاحصا مررره مشتاقت لهم وذاكرت واجتهدت<<بس للاسف مااخدت نسبه الي على قد تعبي بس تدرون لمن شيلت العربي مازعلت لاني عارفه اني ذاكرت وربي قدر اني اشيله بس لو اهملت ممكن انقهر على نفسي ومااقول قضاء وقدر ....... المهم في الموضوع خلونا نروق ذي الاجازه ونوكل امرنا لربي وربي مابيضيع دعاكم ماتدري لو واقعيه مثلا دخلت انقليزي وهي نفسها بادارة اعمال ممكن تمشي فيه والله ربي ماخلقنا الا لحكمه ومابيضيعنا ابد وترا تخصصاتنا مكتوبه من قبل 50الف سنه وارزاقنا نفس الطريقه <<< بنات صراحه اقولها عن تجربه ذا الكلام الي طلع انا من البدايه واقفه معاكم لاني مؤمنه بأنه ربي مايخيبنا خلونا هالمره نقفل على الخطابات وكل وحده تدعي في سجودها ترا كثرة الدعاء تغير في القدر والدعاء ببلاش مايكلف حاجه اكثرو من الاستغفار وتفائلوا بالخير ....اسفه طولت عليكم بس كلام خارج من القلب للقلب لا أبي منه مصلحه ولا شي وكلام زي كيذا مااعرف انسقه في سطور يعني العذر والسموحه واستروا ماواجهتم