قبل دقائق فقط ,, كمّل موضوعي هذا شهرين بدون رد ,,
و الطريف في الأمر اني انا اللي برد على نفسي عسى الله ان ينفع به.
أولاً: اذا انتهيت من مواد المقدمات 321 , 341 يجب تحديد المسار و الا ماراح تنزل لك المواد المتقدمة.
ثانياً: اللي حصل اني رحت الشئون التعليمية و طلبت نموذج تحديد المسار شرطهم تكون كمّلت 60 ساعة او قربت منها مايشددون.
عبئت النموذج بالمعلومات و قالوا لي اوقّعه من رئيس القسم, السكرتير الله يسامحه صرف لي من عنده يقول مو لازم تحدد عادي تنزل لك المواد ( خبره عتيق ) المهم انتظرت رئيس القسم لحد ماوصل مكتبه و طلبت التوقيع , الصراحة ان رئيس القسم غاضب من الشئون التعليمية يقول هو مسار واحد ليش يجبرون الطالب يحدد و القلق هذا كله؟
كلمته عن قسم الترجمة و الظاهر ان اللي يبغى قسم الترجمة ماله الا يغني ياليل ماطولك, يقول حتى في الخدمة المدنية مافي مسمى ( ترجمة ) ,و أضاف ايضاً انه من الممكن ان يتم تقسيم القسم الى (مسار لغويات ) و (مسار أدب)
الكلام هذا على بداية الاختبارات و قالوا لي ان التحديد ماراح يفتح الا بعد الاختبارات و فعلاً اليوم ( الأربعاء )و لله الحمد تم تحديد المسار.
نصيحة ياشباب اللي خلّص 321 و 341 لازم لازم يحدد مسار ولا الجدول ماتنزل فيه مواد متقدمة من القسم هذا الكلام لطلاب دفعة 08 وما بعدها اما 07 و ما قبلها الظاهر ان ماعندهم مشكلة مع الموضوع.
و نتمنى التوفيق للجميع.