[كتمان]

أخوي انا معاك في كل اللي قلته بس بنفس الوقت اخالفك في اعتراضك على دخول الترم الصيفي وهذه حريتك محد يتدخل فيها..
بس من واقع تجربتي انا حملت انجليزي 102
وماكنت ناويه ادخل صيفي..بس فكرت فيها وحسبتها بالعقل الصيفي له مميزات وله عيوب واكبر ميزه فيه انه ببلاش يعني ماراح تدفع 3000..واذا انت وضعك ميسور فهذه ماراح تكون عقبه لك لكن بالنسبه لي كانت عقبه وحاولت استفيد منها..ومفروض الجميع يستفيد منها حتى اللي ميسور الحال يعني بدل مايدفع 3000 الاف على ترم ويحتمل يحمل الماده مره ثانيه ويضطر يجيب مدرس خصوصي من البدايه يختصرها واذا كان حاس نفسه ماعنده استطاعه ينجح بالماده يدور على مدرس رخيص وشاطر للماده ب 800 أو 1000 وينجح فيها بامتياز افضل من يدفع 3000 على شي مو ضامنه او 3000 للترم +1000 تكاليف مدرس خصوصي وهذه تكاليف ماده وحده كيف اللي راسب ب 2 او 3..
وااكبر عيب في الصيفي كان المده هذا باعتقادي في السابق..
ولكن اقول اول شي التوكل على الله اكبر سبب في التوفيق..ثاني شي مافي شي بهذه الحياه مستحيل..كل شي الواحد يقدر يسويه حتى لو كانت المده اسبوع مو شهر..
يمكن تقول عني مبالغه او شاطره او...او... لكن انا مستوايا التعليمي الحمد لله متوسط لاني شاطره ولاني ضعيفه..
ولكن زي ماقلت اعتمدت على الله واخذت بالاسباب وذاكرت كويس وكانت المفاجأه تحولت الدرجه من f الى 83 يعني هذا يعتبر انجااااز بالنسبه لانك تكون حامل الماده وبعد كذا ورغم كل العقبات تنجح فيها وبدرجة 83
وبالنسبه للمعدل كان 3.23 والحمد لله صار 3.31
يعني الصيفي رفعلي المعدل بالرغم من قصر المده وبالرغم من صعوبة الماده علي ولكن الحمد لله..

وفي نقطه لازم تحطوها ببالكم..ترى أسألة الصيفي فيها مراعااااااااااه كثير للطلاب والطالبات من ناحية وضع الأسأله ومن ناحية التصحيح لانهم ماحطو الصيفي غير عشان يخففون من نسبة الرسوب وهذه سياسه قليل من الناس يعرفها..يعني لو جات لجنه وشافت كمية الرسوب الهائله في بعض المواد أو الدرجات المنخفضه راح تسأل ليش وكيف جابو الطلاب هذه الدرجات!! وراح يبدؤو يشوفون اسباب المشكله وراح ينفتح لدكاترة الماده باب له أول ماله آخر.....الخ
باختصار هم مجبورين يدفون ويراعون ويحطون اساله سهله مو عشان مصلحة الطلاب وبس عشان مصلحتهم من الدرجه الاولى..

احس اني طولتها ولكن حبيت اوضح تجربتي اللي تخالف وجهة نظرك والمنطق اللي تقول عنه..
وبالتوفيق للجميه بالاول والاخير..