[عصير فراوله]

مررررره شكرا وكويس انو لقيت مؤيدين

تيب يلا يابنوتات خلونا نبدأ

دكتوره دولة : انا اشوف انها كويسه بتدي كل وحده حقها تشاركي تسجل اسمك الاسئله مو سهله ولا صعبه بالعربي الي يذاكر بيحل بس اكتر شي البرقرافات هيا المهمه في الرايتنق وصراحه طيبه مو من النوع اللي ماتقدري تساليها .. وبس

استاذه هوازن : مررررررررره عسل من غير كلام ادا نزلت لك ماده عندها خديييييييييها .. تحب النوع اللي يتكلم معاها في الكلاس مو شرط مشاركه

استاذه سحر: زي دولة بتدي كل وحده حقها صرااااااااحه اسئله صعبه بس افهمي معاها وإن شاء الله تحلي اتوقع احسن استاذة ريدنق << طبيعي بعد رباب

استاذه عائشه الحربي : مدري في بنات يقولو كويسه بس صراحه كلنا عانينا معاها دا الترم مرررررررررررررررررره بااااد بس الحمد لله في النهايه نجحنا ع الحافه

منال باتوباره : لااااااااازم تشاركي واللانقوج يكون جيد اسئله نص ونص . كوزات مفاجئه . وقت المحاضره دخول عالتايم ولا لاتتعبي نفسك لانو لو تموتي ماتدخلي . بس وربي اخلااااق وطيبه

ندى والعفراء ( فرنسي ) كلهم كويسن .. واحس مايفرق لانو الفرنسي حفظ ومدري صراحه

ودا كل اللي عندي

وكمان شي ادا بتاخدو ماده حره نصييييييييييييييحه خدو فن الاقناع com 205 عند استاذه مريم عقيلي محاضره تجنن ومره حلوه وتستمتعي فيها وكل اللي عليكي ذاكري وجيبي نشاط انا اخدت فيها A دا وربي كنت مهويه ومااذاكر مره
الاسئله مقالي بسيط في الدوري بس اغلبو صح وخطا واختياري والفاينل موضوعي

بس كدا من جد كل اللي عندي إن شاء الله احد يستفيد وادا في اي معلومه ممكن تساعد باي طريقه لصقوها هنا يلا اسيب المكرفون وليا رجعه إن شاء الله باشياء حلوه

سي يا