[lotysweet]

المشاركة الأصلية كتبت بواسطة meme_3223 لفت نظري رد الأخت lotysweet (ماتقدر تحط خيط بإبرة !!!!) أعتقد ان المرأة قادرة على إنجاز جميع أمورها ، ما يلزمها غير الثقة بنفسها .. منذ متى أختي الفاضلة كانت كلمة مطلقة عيب في حق صاحبتها برأيي الشخصي الصبر على الذل والإهانة عيب أكبر .. في الحقيقة أستغرب وجود آراء بهذا الشكل في أوساط المتعلمين .. بالنسبة للقصة : كما نعلم البيوت أسرار ، ولا يجب الحكم على أي قصة من وجهة نظر طرف واحد فيها .. إذا جاءك الخصم وقد فقئت عينه ، فلا تحكم له إلى أن يجيء خصمه ، فلعله يأتيك وقد فقئت عيناه معاً .

اولا انتي فهمتيني غلط انا لما ذكرت امثلة للقابلات بالاهانه عشان مايتطلقون مو معناها اني اتفق معهم بالراي والدليل اني اتكلم عن هالفئة من النساء وانا مقهورة من تصرفهم وماني معهم ابدا
كلمة مطلقة مو عيب انا اشوفها شرف ووسام على الصدر احسن ماترضى بالذل والاهانه مع واحد مايستاهلها
اما عن قصة انه ماتقدر تحط خيط بابرة فقلتها مو لانها ماعندها ثقة بنفسها انتي برضة هنا فهمتي قصدي غلط
انا اتكلم عن وضع المرأة بالمجتمع اللي احنا فية بصفة عامة والقوانين المعقدة واللي تتطلب منها باقل مسألة انه لازم معها رجل لو مافية زوج لازم اخو وطبعا بهالعمر دوري على اخو فاضيلك
لأنه اكيد قاعد باحضان زوجته وغير انه بعض الزوجات ممكن يحرضون الاخ على اخته وعاد دوري حقوقك لو فيك خير والله لتلفين حولين نفسك بهالمجتمع
عندنا احنا بالعائلة المطلقة ماتقدر تروح او تجي بدون رجل شأنها شأن البنت الغير متزوجة
عندنا بالعائلة عيب تطلع بلموزينات عشان تروح مشوراها وبنفس الوقت الاخو يتكبر ومايرضى يوديها او يوديها وهو عاصر على قلبة ليمونة وانا افضل انه يرفض يوديني ولا يوديني وهو مغصوب ويتنفخ علي ايضا اتكلم عن المجتمع بصفة عامة اي شئ بجهه حكومية غير معترف بالمرأة بالمرة ولازم توقيع الرجل مع توقيعها كأنها بهيمة مع انه تكون هية اعلى تعليما من الرجل اللي تجيب توقيعة جنب اسمها
حرووا المرأة واعطوها حقوقها بهالبلد قبل ماتتكلمون وتقولون انه لها حقوق الامر مو واقف على ثقتها بنفسها والحقيقة غير كذا تماما
المشكلة كل ماتكلمنا عن حقوق المرأة قالو سواقة السيارة كأنه آخذين كل حقوقنا مابقى لنا الا نسوق سيارة .
اعرف وحدة راحت لبنك عشان تفتح حساب باسم اولادها وتنزل لهم مبلغ كل شهر من راتبها ورفضوا وقالوا لازم موافقة الاب ؟؟
لية الا ب ؟؟ انا بحط فلوس لاولادي من راتبي وش خص الاب ؟؟؟
قالوا القوانين كذا والمصيبة الاعظم انهم قالو لها بالبنك لو توفى ابوهم يصير عمهم او ولي امرهم حر بالتصرف بهالفلوس ويقدر يلعب فيها على كيفه بالوقت اللي المرأة اللي هي امهم مالها حق التصرف بشؤون اولادها بس لانها مرأة بالنهاية قالو الحل تروحي المحكمة وتعملي وصاية لهم في حال صار لك شئ فلوسك لهم لكن انه تحطي مبلغ باسمهم ماننصحك بهالشئ ممكن تضيعينهم اكثر << قالوها موظفات البنك وهم مقهورات هم برضة حريم مثلنا بس ياحسرة
طبعا الحرمة هونت وقالت بلاها هالغلبة هي ماعندها اي مشكلة مع زوجها والله يتم عليهم الاستقرار بس حبت توفر لاولادها لتصادف هالقرارات الحكومية المتعسفة بحق المرأة
قوليلي يا اختي هنا المرأة تقدر تحط خيط بأبرة بدون الرجل ؟؟؟<< انا حبيت اذكر لك ابسط مثال حدث لصديقة لي وابين لك وجه نظري بالكلمة اللي قصدتها وهي لاتعني انه المرأة ماعندها ثقة بنفسها بالعكس بالرغم من كل الضغوط اجدها اكثر ثقة من الرجل بس الرجل كل القوانين هنا تخدمة
خلاصة كلامي هذا انتي تقولين بين " اوساط المتعلمين "
هذا احنا متعلمات انا وانتي لية ساكتين عن حقوقنا ؟؟
لية مانطالب فيها ؟؟
اكيد فية جهات حكومية ممكن نقدم لها معروض نحصي فية كل المصاعب اللي تواجهنا بهالمجتمع ونرفعها لجهه رسمية .
احنا المتعلمات ساكتين وش نتوقع من اللي جالسات بالبيوت
انا من هنا اطلب التواصل مع المتواجدات بالمنتدى لتشكيل مجموعة والتشاور فيما بيننا
لو محد رد علي معناها كلامي صحيح وانتو فعلا ماتقدرون تحطون خيط بأبرة بدور رجل << لاتتحسسون من هالكلمة لأنها حقيقة واقعة وانا ما احب اخبي راسي بالتراب مثل النعام الاعتراف بالحق فضيلة