[ضحايا الصمت]

السلام عليكم ورحمه الله وبركاته



مساكم الله بالخير جميعا :




طبعا الي يدخل المنتدى اليومين هذي يقول داخل ديوان المظالم .. ماتقرى مواضيع الا مارأيك في درجة كيذا ولا ظلمنا في كيذا ولا حسبي الله على الدكتور الفلاني ولا الجامعه ولا ولا ولا .....





طيب ايش السبب ؟؟


1- الدكتور : قد يكون الدكتور سبب بس مو كل شي على الدكتور ... وعلى قد ما اقرى في المنتدى ما اتذكر احد كتب شكر او كلمة حق في دكتور الا فييييييييين وفيييييييييين



2- التصحيح : قد يكون برضوا وليش لا جهاز وقد يصير فيه ايرور



3-الترصيد : برضو ممكن لانه الي بيدخلها ادمي ويخطأ زي مايصيب .. والخطأ مردود ويتصلح والي مو عاجبه درجته ويحس انه يستاهل اكثر يروح يراجع



4- والاهم .... الطالب : طبعا كل انسان وله طريقته .. ناس تطلع من الاختبار وفرحااااااااااااااانه ويحسب ان الاسئلة سهله وهوا مايدري انو فيها مليون لفه ولفه ويتوقع درجة عالية ويتفآآآآجأ بالنتيجة .... طبعا مو هوا الي غلطان ... الدكتور او التصحيح او الترصيد


اخويا الطالب الثاني يطلع من الاختبار ويراجع ويعرف انه عنده من الاخطأ هالكثر وانه حيجيب تقريبا تقريبا الدرجة هذي ( وانا الان خلصت السمستر السابع من فضل الله ... والله ثم والله ان درجاتي سواء كانت مرتفعه او منخفضة مقاربة لتوقعاتي المبنية على مراجعتي بعد الاختبار ) ليش مايظلموني !!!!


هل معناة كلامي مافي ظلم !!!!!


لا في .... انا اجزم وابصم بالعشرة انه في ظلم ولا طالب ولا اثنين ولا عشرة المظلومين .. اكثر


بس .... مو كل الجامعه







الي يدخل المنتدى الان يقول كل الي في الجامعه مظلومين

ولا في شي اسمه دكتور متساعد

دكتور يدف بالدرجات

اسئلة كلها اختيارية





طيب هل كل الي بيشتكو هنا بيروح الجامعه يطالبو بحقهم ؟؟؟ ولا نصهم ولا ربعهم يمكن




طيب ليش نقعد نعبي صفحات المنتدى بالمواضيع الي توقف نفس الواحد عن الدرسة وتكرهه في الجامعه وفي الدكاترة ؟؟




اقسم بالله العظيم ان بعض الاعضاء الله يهديني واياهم يدخل من موضوع لموضوع عشان بس يدعي على الدكتور فلان ولا فلان .... بدون حتى مايعلق على الموضوع نفسه ... يادوبك بس حسبي الله على الدكتور الفلاني ... والموضوع الي بعده وهكذا .... طيب ليش ؟؟




ترى على فكرة انا ماعرف الدكاترة ولا حتى اعرف اشكالهم .... يادوبك على قاعه الاختبار ومن القاعه على بره يعني مابيني وبينهم اي شي ولا ادافع عنهم ولا شي ولكن .... والله كلمة حق الواحد يقولها




كل انسان مننا يغلط ويظلم ... خلاص نستلمه انواع الدعاء والحسبنه والكلام هذا .... هذا اذا كان الدكتور فعلا غلطان وظلمه ماكان هوا عايش الجو هذا وبس



وللاسف ان البعض يحب يعيش الجو هذا ... طووول مسريته في المنتدى تظلم ودعاوي والدكتور هذا فيه وهذا مافيه .... اتبع المواضيع الي يشارك فيها وشووف !!!!!!!!






انا اشوف ان الي بيسير غلط في غلط ....



ولا تتكرم ادارة المنتدى بفتح قسم جديد بجانب قسم ادارة الاعمال والادارة العامة وتسمية قسم التظلم والشكاوي ... عشان تعطي مجال للي بيبحث عن فائدة ولا موضوع انه يحصل الي يبغاه من غير مايقعد يدور بين مية موضوع احس مالها صلة اصلا بشي اسمه منتدى جامعه الملك عبدالعزيز لها صلة اما بديوان المظالم ولا بمجلس ام فلانه للهروج وفلانه فيها وفلانه فيها





معليييييييييييييييييييييش اعذروني بس والله من كثر ماتعبت وانا اقلب في المنتدى بين المواضيع هذي








تقبلو تحياتي واتمنى انه ماحد ياخذ الموضوع بصفة شخصية ...فهذي وجهة نظر لاغير ...