السلام عليكم ورحمة الله وبركاته
مساء الخير والغلا والتقدير والاخلاص
يسعد مساك بكل خير وسرور
ياجماعة الخير أنا بصراحة عندي كم سؤال محيرني بخصوص برنامج (التعليم عن بعد )
وارجوكم ساعدوني في الحل على الاسئلة كوني طالب مبتدى في هذا البرنامج ؟؟؟
س1/ أنا دخلت على الموقع وسجلت تسجيل مبدئي علما بأني لم ارسل اي اوراق ومستندات للجامعة عن طريق dhl وعطوني رقم الطلب بس الا الآن لم ارسل اي اوراق للجامعة وقلت قبل ما أرسل ياليت اتأكد بخصوص (وقت المحاضرات ) هل هو مسائي او صباحي خصوصا ان عندي دوام يبداء الساعة السابعة والنصف صباحا وينتهي الساعة الثانية والنصف مساء فحيبت اتأكد متى يكون وقت المحاضرات عشان بعدين ما ادخل في عوامة ووجع رااس وهل اذا كانت وقت المحاضرات صباحية هل اقدر اخليها مساء بحكم عملي مايسمح لي اكون حاضر المحاضرات واذا كانت صباحي هل هناك وسيلة اقدر من خلالها جعل محاضراتي في المساء (تكفون عطوني اجابة تشفي غليلي ابي اجابة جامدة لاني والله متحير ومحتاس وبس افكر في الاشكالية هذي (الله يصبرني )
اخي .. تطمن المحاضرات مسائيه وليست صباحيه ويشترط الحضور والبعض افادنا بأنه اذا حضرت محاضرات تسجيل الاعاده يعتبر حضور لانه المحاضرا ت تسجل تستطيع الرجوع لها في اي وقت
والمحاضرات تكون عن طريق السنترا وهذه تحمل على الجهاز
واغلب الموجودين في التعليم عن بعد موظفين ومراعين هذه النقطه ..تطمن
س2 /بخصوص التسجيل لما سجلت طلب مني وثيقة عشان التدخين وما التدخين وقال لازم توقع عليها انا طبعت الوثيقة وطلع معها (4 اوراق من ضمن الاوراق ورقة فاضية مثل ورقة الدفتر المصغر وش الحل فيها (عطوووووني حل الله يخليكم ولا يحركم الاجر إن شاء الله )
اللي اعرفه توقع على الورقه التعهد على التدخين فقط
س3/هل التعليم عند بعد فيه اختبارات شهرية ونهائية (يعني مثل المنتظم )
نعم هناك اختبارات شهريه وواجبات ومنتديات للمشاركه خاصه لكل ماده للمشاركه موزعه الدرجات عليها40 والبعض 50 درجه
والنهائي عليه 60 والبعض عليه 50 مثل الانتظام تماماً
س4/ياجماعة الخير افيدوني الله يحفظكم عن نظام المحاضرات كيف راح يكون هل هو سيديات او مباشر على الهواء او ملف في اي وقت افتحة او كيف الطريقة ؟؟ سؤال مهم 
المحاضرات تكون عن طريق السنترا ودكتور الماده يلقيها مباشره عليكم وهناك شات تشاركون معه او مايك للمشاركه والاستفسارات والطريقه موجوده سأطرحها لاحقاً
س5/ادري اني غثيتكم بالاسئلة بس هذا اخر سؤال خخخخخخخخخخ في حالة اني سجلت في التعليم عن بعد وانا الا الآن ماارسلت اوراق للجامعة مثل الشهادة الثانوية والصور ولخ ... هل بإمكاني اني اعدل طلبي من التعليم عن بعد الا (انتســـاب )........... بينطق ادري اني ثقيل دم وانا الاسئلة هذي مدري وش تبي
بعد كل هالاسئله بتحول
ع العموم تستطيع التحويل من التعليم عن بعد إلى الانتساب
ولكن الاغلبيه يحول من الانتساب للتعليم عن بعد لكونه مثل الانتظام وايضاً تضمن الدرجات وليست كل الدرجات على الورق
والله يكتب لك اللي فيه الخير