[ابو زياد الهذلي]

السلام عليكم ورحمه الله وبركاته

هذي مختارات قصايد قلتها العام في وضعنا سواء من صعوبه في الاختبارات او تاخر النتائج
وبما اني ماكتبت جديد هذي السنه اوردها لكم لعلها تساهم في رفع المعنويات وعسى مايجي واحد ينقل الموضوع لان الاختبارات انتهت وما بقي الا الوناسه




هذي سلمكم الله والاودس الحبيب


ابهجر الاودس وخلي الوساويس ... واروح شعب في الخلا يذكرونـه
نريح الخاطر ونلعنـك يابليـس ... ونحرر القلب الشقي من سجونه
مادام حظي مع وجيه مفاليـس ... ماظن ربيع العمر تخضر غصونه
خلي النتيجه عندكم بكره تخيس ... والمنتسب خلوا الحزن في عيونه
لصار قرن التيس ماينفع التيس ... وش له يربي تيس عمي قرونـه




وهذي في جامعتنا الموقره



ياطير يلي فوق جده لكـم حـوم * هات الخبر ياطير وابشر بالاتعاب
الي بيجري لي مقـدر ومقسـوم * والحظ مايجلبه سيفـاًُ ومشعـاب
ابهتني في راحتي واعرف النـوم * واترك تفاكير(ن) فتحنا لها ابواب
ان كنت ناجح جعل حظ لنـا دوم * وان كنت راسب عارفين بالاسباب
يالجامعه هاتو النتايج لنـا اليـوم * ماعاد نتحمل ترى حرق الاعصاب

وهذي تعبر عن نفسها

امس العشاء مرت علينا الوناسه ... ونا مع اخواني بفصـل الدراسـه
جتنا اسئله سهله على كل طالـب ... والكل منا حل مـن فكـر راسـه
ماهمنا المصري ابو كـرش وارم ... الي يراقب مثـل كلـب الحراسـه
ولاهمنا الي جاء يدربي في صلعته ... تلمع كما تلمع من الشمس طاسه
مشكور ياستاذ الثقافه من القلـب ... انا اشهد ان الطيب اصله وساسـه
وياراعي الكمـي علامـك علينـا ... جلبتنا ياخـوك سـوق النخاسـه
ويا راعي الانقلش ويش الي صابك ... وش عرف المسلم بهرج البساسه
جينا في ذاك الفصل والكل مختلف ... مانجتمـع الا بصفـات التياسـه
الي مزكم في اخر الفصل ينتحـب ... فقع مسامعنـا بكثـرة عطاسـه
والي يناظرمـن يميـن وشمالـي ... ويوم اتكشف جاه المراقب وحاسه
ونا مذلـل كـل صعبـه وكايـده ... لكـن بهـذي ماتفيـد الحماسـه


وهذي تشرح عن عمرها

امس العصر وقف عن القلب دمي ... والمخ صابه شد من هول ماشفت


يا لايمـي جعلـك بتحليـل كمـي ... ولا عسى تبطي عظـم ماتوظفـت


من شانها مارحت عرس ابن عمي ... ومن شانها يانـاس والله تسلفـت


راحت قروشي والعنـا زاد همـي ... مابـه نجـاح ولا ثقافـه تثقفـت


يالتني رحت اتمشـى مـع امـي... وعلى حويس الجامعه ماتعرفـت