رد: O?°سطّروآ معنآ أروع معآني الوفآء..][شُكرآ أُستآذي/أستآذتي الفآضل/ة][ لِمنْ تقولهآ
أنا حابه أحكي عن دكتوره نجوى الغريبي بحكم تجربتي معاها في مادة المودرن هذا الترم وهيا لسه جديده
بصراحه إنسانه قمه في الأخلاق والتعامل فعلآ لايق عليها كلمة دكتوره وماأنـكـر فيه أستاذات كثير مروا عليا بالتخصص وكانوا كويسين مره لكن مثل دكتوره نجوى بصراحه ماشفت وكل اللي درسوا معاها هذا الترم مستحيل بيختلفوا عليها في أي شي
عندها إالتزام حلو بالمحاظرات وإذا ماتقدر تحضر تعتذر بالليل ع الإيميل
إنسانه قمه في الشرح وتيسير الماده رغم إنو الماده كلها نوفلز ومسرحيه وشعر وقصص وخطب لكن هيا بتاخذ الثيمز وتربطها بالحياه وتخلق من الماده شي ممتع جدآ
دائمآ تحكي عن تجاربها الشخصيه وتقول لنا أبغى أشوفكم بكره مدرسات لجيل جديد وعلموهم كيف يفكروا ويعبروا عن رأيهم مو تعلموهم بس يحفظوا أو يتعقدوا من الدراسه
دايمآ تشجعنا وتقول لنا كملوا دراستكم بعد التخرج وسافروا برا
تتعامل معانا عن طريق الإيميل وماتتجاهلنا مهما أرسلنا كثير
تتعامل معانا كبنات كبار يعني اللي يصير لها ظرف وماتدخل الإختبار ماتقولها ليه وليه وهاتي تقرير بالعكس تحدد مع البنت الموعد اللي يناسبها وتختبرها يعني تفرض علينا إحترامها
من ناحية الأسئله كله من شرحها والتصحيح مررره عادل يعني أول دكتوره بالتخصص تعطي فل مارك على سؤال إيسي إذا كنتي كاتبه بشكل صحيح ومرتب
البرزنتيشن مجرد مانعمله تعطينا الفل مارك لأنها تقول إنتوا بتقدموا شي من وجهة نظركم ومن شغلكم ومالي حق انقصكم عليه لو نص درجه !
بالنسبه للبوب كويز درجاته ماهي داخله في مجموعنا الأساسي من 100 يعني يعتبر بس بووونس
في تكاليف ثابته معاها يعني برزنتيشن جورنالز بوك ريفيو بيرفورمانس ريفيو
وفيه بعض التكاليف تطلبها بالكلاسات وإسمها تشلنج كويسشنز ودرجاتها بس بووونس
في نفس يوم الفاينل اللي إختبرنا فيه نزلت لنا الدرجات وقالت أنا زعلانه لأن راح أفارقكم وماتعرفنا على بعض شخصيا وبنفس الوقت فرحانه بنجاحكم وأشكركم على هذا السميستر وكمان قالت اغلب الدروس اللي اخذنها كلها مافيها امل بالحياه لكن أبغاكم تطبقوا عكس هالشي في حياتكم ....
مهما أقول ماأوفي الإنسانه حقهاااا بصراحه أحسد نفسي إني قبل لا أتخرج درست مع دكتوره بها الروعه
يمكن باقي البنات يحكوا أكثر عنها لكن حبيت أقول الشي اللي في بالي
وماأقول هالكلام لأني نجحت معاها او لأني أخذت درجه عاليه بالعكس لو كنت لاسمح الله ماخذه f برضو رأيي فيها ماراح يتغير وأتمنى تستمر على هذا الشي ..............
|