رد: ملخص أيام السنة التحضيرية ... هنا
واخيرا عدت السنة وخلصت ..
وبصراحه ولا مادة حلوة تتزاكر
عشان محد يحب يزاكر حتى لو كانت المادة مرة سهلة
بس في مواد كانت تقيلة دم شويا وفي مواد تتزاكر بسهولة بس لما نختبرها
من جد كاني زاكرت مادة تانية مو منهج تاني <<< فيها شويا مبالغة خخخ
الماث << مادة طويلة ومتعبة واختباراتها مدري كيف
فيزيا<< بالنسبة لي كانت ظريفة ومزاكرتها حلوة واختباراتها حلوة
كيميا<< لاباس بها خخخخ
احصاء<< كان فيها اشياء حلوة واشياء مو مرة بس ككل كانت نايس
احياء<< مررررررررررررة متعبة في المزاكرة تاخد وقت طويل مني
اتصال<< يجيني النوم وانا اقرا خخخخخ بس اختباراتها مرة حلوة
الحاسب<< ممل في المزاكرة لابعد درجه خصوصا لما تقرا الخطوات بالتفصيل >.<
الانقلش<< مادة سهلة مرة بس كانو كتير 3 ساعات فاليوم .. احس حيطق فيا عرق
السنة عرفتني ع ناس جدد وحبوبين
ولاقتني بناس من ايام الطفولة ^^
هذه النواحي الايجابية
اما السلبيات ..
قعدت فالبيت وانحبست كتييييير
انحرقت من الشمس حقت الجامعه
كل يوم ارجع زي الكتكوت الدايخ اللي حطوه في كرتون تحت الشمس
علمتني السنة دي ما ازعل ع النص درجه والربع .. لانها عودتني عالنقصان بالدرزن
حطمتني كتيييييير وحطمت طموحي من انا صغيرة وحطمت نفسيتي
الله يسامحها من سنة ويسامح اللي جاتو الفكرة دي
وبس ..!!
يارب كل واحد يدخل التخصص اللي يبغاه
ويوفق الجميع
|