[د.كيــف]

قالت أحبك ، قلت كذابه انتي
قالت وربي ، قلت آمنت بالله

قالت وقعت ، وقلت كان انتبهتي
قالت قليبي، قلت اتحمل خطاه

قالت جروحي، قلت ليه انجرحتي
قالت صدودك، قلت قلبي وماجاه

قالت عذابي، قلت يومك كذبتي
قالت ظروفي، قلت كلن وليلاه

قالت توادع، قلت كانك سمحتي
قالت رخصنا، قلت غالي وما اغلاه

قالت اهجرك، قلت كانك اقتنعتي
قالت وحبي، قلت يوم كنت سلواه

قالت معاني، قلت توك عرفتي
قالت بتخسر ،قلت وش اللي كسبناه

قالت مخادع، قلت لا ماصدقتي
قالت أناني، قلت مبدأ رفضناه

قالت كتبت، قلت وش كتبتي ؟؟
قالت فراقي، قلت وقعت أدناه

قالت ظليمة، قلت قاضي وحكمتي
قالت ظلمتك، قلت الحمدلله