[حبيتك تنسيت النوم]

هلا يا غالي

والله اسماء الدكاتره للصيفي ما نزلت للان

لكن الترم هذا انا ماخذ شكسبير مع أستاذ هندي اسمه سيد احسان .. وهو رجال طيب وابن حلال واحسن من يدرس الماده هذي افضل من لطفي فيزو ومحمد بن ناصر الشوكاني .. لـ تسهيله للماده وجعلها شبيهه بالدراما

ــ*ــ

المسرحيه الترم هذا نازله برضوا عند سيد احسان .. وزي ما قلت لك الدراما وشكسبير عند سيد احسان كأنها ماده واحد .. اختبارين دوري اول وثاني وبرزنتيشن خفيف 3 دقايق ونهائي 40 درجه .. يعني من وجهة نظري المتواضعه الأستاذ هذا أنسب واحد في قسمنا في مادة الدراما وشكسبير .

ــ*ــ

النقد الأدبي .. والله يا غالي هذي الماده لها سنتين و الدكتور محمد بن ناصر الشوكاني محتكرها .. الدكتور هذا ماشاءالله خبره وشهادات ومستواه أكبر من انه يتواجد في جامعه الملك عبدالعزيز ,
الدكتور هذا تمسيكات .. مره يسهلها ومره يصعبها .. و يحب المنااااااقشه اثناء المحاضره .. يعني لو تعطيه وجه وتناقشه و تخليه يحفظ اسمك .. حط ببطنك بطيخ صيفي واضمن فيها درجه طيبه .. واسئلته دائماً مكرره ومتوفره عندي .. اذا نزلت هنا وجيت جده أبشر بعزك اوفرها لك لو تبي الكتاب بعد متوفر ان شاءالله .. قدنا خلصنا منها الحمدلله الترم الأول
__*__


فاينلي <~ اتعب انا :d

_ الدراسه هنا عندنا سهالات .. و لا تشيل هم بس حبيت انوه على كذا حاجه

_ الدراما متطلب لـ شكسبير .. و احتمال ما تنزل لك الا بألف كلفه و واسطات وتمسيح دقون وتكفى يا حبة عيني :)
فـ عشان كذا لازم تحضر بداية الترم عند شؤون الطلاب في كلية الآداب بالدور الأرضي وتحاول معهم .. و فيه واحد خدوم وابن حلال .. ادز لك اسمه ع الخاص قله انا من طرف فلان الغلبان .. وبأذن يجملها وما يقصر معك .

_ على حسب الترم الصيفي الماضي كانت المواد على الشكل التالي

النقد الأدبي .. شعبه واحده مع الشوكاني .. وشعبه اخرى استثنائية على غير العاده مع سيد احسان للخريجين المتعارضه جداولهم .

شكسبير .. كانت مع الشوكاني شعبه ومع لطفي فيزو شعبه .

الدراما .. شعبه مع سيد احسان .. والثانيه مع يوسف حامد بدر وبرضوه هذا خيار ممتاز, ونادراً ما يرسبون عنده الطلاب لتساهله ومساعدته لهم الله يحفظه .