بسم الله الرحمن الرحيم
السلام عليكم ورحمة الله وبركاته , , ,
بالأمس وبعد ما نزلت الموضوع.. رجعت له بعد ساعة تقريباً.. لأني اتزكرت ( من بدأ بالمكارم فليتمها ) .. ولكن للأسف ما قدرت ادخل الموقع ( السيرفر عطلان )
الخطوات وبلا مقدمات:
1- طباعة الخبر من الصحيفة.. مع الاحتفاظ بتاريخه والعدد الذي نُشر فيه.
2- حاولوا التواصل مع البنت صاحبة الخبر ( إن استطعتم ) لأني شفت لها رد في نفس الخبر.
3- الأهم من ذلك: هو التواصل مع الصحفية اللي نشرت الخبر (ضروري..ضروري..ضروري) وبسرعة..لأن الخبر طازه.. انا لقيت مجموعة ارقام لجريدة المدينة..اتصلوا وأسألوا عنها
http://www.al-madina.com/node/66263
وإذا لقيتوها.. بينوا لها إن عددكم كبير.. وقابلوها أو تقابلها متحدثة رسمية عنكم في بيت من بيوت الله الكبيرة في جدة.. لأن باين ان الصحفية من جدة.. كجامع الشربلتي بالربوة.. او جامع بغلف بالنسيم.. او جامع الأمير عبد العزيز بن فهد.. وغيرها من المساجد الكبيرة في وقت خفيف ما بين المغرب والعشاء.. مع اصطحاب اوراق صور (انتبهوا أصول ما لئه) وكذلك صور من بطايق احوال لئه..
4- ادهن السيل يسيل.. ترى العمل الصحافي متعب.. وزبطوا الصحفية بـ500 ريال.. بالقطة بينكم.. ودا من حقها.. يعني خلوها تضرب عصفورين بحجر.. تجيب اخبار ساخنة وتترقى فيها.. وتاخذ شيء رمزي عشان تجتهد لكم.. واذا قالت وش تبغون مني.. قولوا لها: نبغاك تعملين تحقيق ميداني لمسؤولين الجامعة الرجال.. الحريم لا.. لاترسلونها عند الحريم.. ترى الحريم مراوغات وبيعطون الصحفية اخبار مكذوبة.. وحددوا المسؤول .. لاترسلونها لمدير الجامعة.. لانو الدخول عليه بالموعد ويتطلب ايام.. ارسلوها لأحد وكلاء الجامعة المعنيين بتوفير الوظائف.. وحبذا الدكتور.. اليوبي.. او بافيل.. وتاخذ تصريح.. مفاده لماذا تضخون طلاب دراسات عليا بدون إيجاد آلية لتوظيفهم.. رغم ان الاقسام تعج بالمتعاقدات.. بشرط ان الصحفية تنشر تصريح الوكيل دا في اليوم التاني.. نبغى الناس تشوف وتعرف.. إلى أن يقروا كل شي حقين الرياض ويدقو خشومهم.
5- وحدة شاطرة منكم تعمل مسح ميداني عن طريق بعض الاقسام..او موقع الجامعة.. بحصر اعداد المتعاقدات في بعض اقسام الجامعة. مثلاً: 15 مصرية و3 سعوديات بقسم الكيمياء, 11 مصرية و8 سودانية و5 سعوديات بقسم الاحياء.. وهكذا وياليت تحري الدقة في الارقام والجنسيات.. ولو مشفوعة بالدرجات العلمية يكون احسن.. زي لو تلاقو متعاقدات ومعاهم ماستر.. بكدا اتورطت الجامعة. ولا تنسوا فروعها الجديدة اللي برابغ وغيرها. انا ماعرفها لاني مني من طلاب الجامعة.
7- لو تعاون معاكم إحدى أستاذاتكم اللاتي لا تأخذها في الله لومة لائم في قول الحق..(طبعا دا بعد ما تلاقو الصحفية) وتاخد تصريحاتها بأنو فعلاً السواد الاعظم للوظائف الاكاديمية حظي بنصيب الاسد للاجنبيات.
8- اعلموا أن أرزاقن كتبت وأنتن في بطون أمهاتكن.. فلتطمئن قلوبكن
9- ثماني نقاط لكم والتاسعة باخدها عليكم.. وبخليها سؤال للبنت الامريكانية: هل يستطيع الطالب المبتعث يختار احد التخصصات المطلوب الابتعاث عليها.. وبعد ما يوصل بلد الدراسة يغير تخصصو ..لتخصص مو ضمن التخصصات اللي حاطتها الوزارة بموقعها.. يعني ابغى احتال عليهم.. واصير مكار 
.. اسجل ادارة اعمال (ودا ضمن اللي يبغوه) ولما اوصل بلد الدراسة اغيرو لتخصص (لغويات تطبيقية) ودا مو ضمن المطلوب.؟
حياة سعيدة