قبل ماتدخل الجامعه في اختبار تحديد مستوى على أساس درجتك في الاختبار تدخل المستوى اللي يناسب
وإذا ما اختبرت راح تبدا من المستوى الأول (الاختبار اختياري)
طبعا في 5 مستويات للانجليش
بالنسبه إذا كان عندك شهادة التوفل في اللغه الانجليزيه أو مايعادلها تقدر تعطيهم ياها وتعفى من الماده>>يعني ماتدرسها
_________
المنهج في تغيرات كثيره بالنسبه ليا مو مفيد لأنه مايعطوك شي جديد نفس القاعدات ونفس المهارات في كل مستوى بس بتغيير بسيط وأعتقد أنهم راح يغيروا المنهج على السنه الجايه
طبعا كتابين كتاب listening and speaking و كتاب reading and writing
توزيع الدرجات معهد اللغه هما اللي يحددوا التوزيع بس عامة 100 درجه لكل كتاب يعني مجموعهم 200 وبعدين يقسموها ويطلعوا معدلك
الاختبارات عندك 4 اختبارات موحده لكل المستويات وبيحسبوا منها أفضل 3 اختبارات
وكمان اختبارات 4 writing و3 برزنتيشنات
_________
طريقة التدريس كل أستاذ وطريقته تدريسه يعني في الممل وفي اللي تستمتع في المحاضرة وفي اللي مو داري عن الدنيا يعني كل واحد وطريقته
_________
محاضرات الانجليزي يومياً وكل محاضرة 3 ساعات في اليوم >>طبعا في وقت بريك
_________
لما تختبر تحديد المستوى وفرضا طلعت المستوى الثاني وبعد مايخلص الترم يشوفو درجتك في الإنجليزي وعلى أساسها يتحدد مستواك مره تانيه إما أنك ترجع في نفس المستوى أو أنك تنتقل للمستوى الثالث أو ممكن الرابع أو الخامس إذا كانت درجتك عاليه
وهذا كل اللي أعرفه
وإن شاء الله أكون قدرت أفيدك وبالتوفيق دعواتك ^_^
danooo.r