بسم الله الرحمن الرحيم
حبيت أنقلكم تجربتي في اختبار الكفايات وكلامي موجه بالأخص لمن يعانون ضعف في اللغة وخايفين انهم مايعدوا وارب أفيدكم ..
وحابه اقولكم نصايح بكن تساعدكم وقبل مااديأ بالنصايح
أشجعكم وأرفع معنوايتكم : أختكم مستواه ضعيف جدا في اللفة أكثر ماتتصوروا ومافي مني امل ابدا وثانيا انا اختبرت بديل التوفل كذا مره ولا مره عديت وتعبت من كثر مااختبر وانا اختبرت الكفايات في شعر 4 وكان قبل اختبار الماجستير بيوم وماستعديت للاختبار.. فإذا عديت أكيد أنتم كمان ان شاء الله تعدوا.وراح أقولكم على الدرجة الي حصلت عليها إذا عجبكم الموضع مو يمكن نصايحي مالها داعي
.
نصائحي المتواضعة
استغفروا الله كثير واستعينوا بالله وخلوا املكم بالله كبير ولا تفكروا ابدا انكم محا تعدوا وخلي تفكيرك ايجابي وقول اني راح اعدي ان شاء الله كونوا متفائلين على الاخر
قبل الاختبار : استعدوا للاختبار قد ماتقدروا عندكم فرصة أكبر أنا الظروف ماسمحتلي.. ابدأوا بالقرامر الي اخذناه في المدرسة.. اتمرنوا على اختبارات التوفل في النت .. نزلوا نموذج اختبار الكفايات الي في موقع القياس
- ناموا قبل الاختبار 8 ساعات او اكثر لان الاختبار طويل ومرهق شوي
- يوم الاختبار : روحوا بدري قبل بساعتين او ساعة
- اجلسوا في بداية القاعة .. ليش ؟؟ لأن السينج يكون من سي دي والسماعت مشبوكة في الجهاز وصوتها مره عالي وعشان تسمعوا الصوت بوضوح اجلسوا في اول الكلاس في بنات كثير اشتكوا كثير في الاختبار من ان الصوت مواضح ومايسمعوا
listening
أول جزء في الاختبار ولاتحاولوا أبدا انكم تقروا الخيارات قبل ماتنتهي الجملة أو المحادثة طبعا تقول لنفسك خليني اقرا بعيوني عشان أعرف المطلوب غلط غلط لأنو محا تلحق وتبدأ المحادثة ومحا تفهم شي من الي انقال اسمع اول ولمن ينتهي الكلام حل وانت بتسمع حاول تركز في نقطة ما أمامك مو في الورقة.. صدقوني حتفهوا الكلام أفضل
- reading :
طبعا القراءة والقطع اكبر جزء من الاختبار واحنا عشان مستوانا شويه ضعيف في الانجليش" شويه بس خخخخ"
أول مانشوف قطعة وفيها كلام كثير بالانجليش يجينا الرعب ومانحاول حتى نقراها .. في كل جزء في قطعة واذا كلها تحلوها عشوائي تكون فوت اكبر جزء من الاختبار.. عشان كدا حاولوا تقروها وتحلوا كل فقراتها وبضمير واذا مافهمت منها شي ابأ في لاسئلة أغلب الاسئلة تقولك من اي مقطع في القطعة يعني سهلوا علينا الاجابة.. وفي وقت انكم تحلوا القطعة الوقت كافي لا تخافوا .>>> السر الأول لاجتياز الاختبار
- أنصحكم بشكل عام في كل الاختبار بالتركيز التركيز التركيز من البدايه حتى النهاية " صار سباق " لأن الاختبار جدا طويل ممكن الواحد يفقد تركيزوا ويبدأ يحل اي كلام ويبغى بس يخلص أو ماتكونوا نايمين عدل وماتقدروا تركزوا
- أهم شي أقولكم هوا أنكم لا تحاولوا تحلوا عشوائي ابدا لا تفوتوا على نفسكم ولا فقره وحاولا تحلوها صح أو خمنوا بس لا تحط اي خيار والسلام لان فقره وحده ممكن تفرق معاك>>> السر الثاني
- بعد مايخلص الامتحان ويقولوكم قفلوا الورق حبروا على الاجابات بالرصاص للاحتياط على بال مايوصلوا عندك وياخدوا الورقة
وإن شاء الله تعدوا وتحصلوا على الدرجة المطلوبة واباركلكم بالنجاح