[مازلت على أمل]

السلام عليكم
انا من فترة وانا اقرأ الموضوع دا بس مليت من كثر ما اسجل في المنتديات واحاور واشتكي ...الشكوى لله....لكن في الاخير حسيت اني لازم أشارك معاكم عشان كلنا تقريبا بنفس الحالة.........
انا لي سنه متخرجة ماجستير تقنيات تعليم من امريكا...معدلي 4 من 4 وقدمت من يوم ما اتخرجت وبعدها وبعدها وفي كل مكان ماخليت ولا احد رد علي.....حتى ام القرى الي قبل فترة قدمت عليها لكن بقدرة قادر ماعديت الاختبار التحريري...اتصلت واستفسرت عن درجتي ...لايمكن مااكون عديت اختبارهم ...لكن كان ردهم مراوغ وانو لا زم اثق في تصحيحهم بدون مااعرف درجتي.....الحمد لله على كل حال.....وكمان نفس الحالة ...تعبت من كثر ما يسألوني الناس ما اتوظفتي...وبعد فترة بطلوا الناس يسألوني اصلا.....كأنة امر مفروغ منه او انهم عارفين الاجابة مسبقا...وبرضوا انا زعلانة انوا الي حولي بطلوا يهتموا فية....النفسية زفت والحالة ..الحمدلله يارب...صابرة ولسه كلي امل انو ربنا يفرجها....
قدمت في جامعة طيبة...والدكتور مدير الجامعة وعدني خير ...واتحمس لاوراقي مررره لمن قدمتها في يوم المهنه في امريكا....وبعدها لا حس ولا خبر...ولمن اتصلنا قالوا ضاعت اوراقي....وارسلتها تاني .....واختفت للمرة الثانية ...وفي الاخير يطلعوا اعلان ان الوظائف الي طالبينها دكتوراة..يعني يبوا دكاترة......طيب انا عندي بعثه دكتوراة خدوني وبعد 4 سنين اجي بالدكتوراة......لا لازم الان نكون جاهزين ...طيب همه شافوا عدد الخريجين بالدكتوراه كم؟؟؟ اكثرنا لسه ماجستير ليش التعجيز ولا التعاقد اسهل...والي يقول روحوا كملوا الدكتوراة وتعالوا....طيب اذا حسبناها وشفنا ان اغلب الاقسام الي طالبين دكتوراة الان راحوا اتعاقدوا من برة طيب بعد 4 سنين حيكون كل المقاعد المتوفرة راحت لاجانب او المعيدين المبتعثين...يعني نفس الوضع.......الله يفرجها بس