رد: استفسار عن مادة تسويق دولي 414 مع الدكتور ياسر الخطيب
السلام عليكم ورحمه الله وبركاته ... وبعد اخويا العزيز سلطان المنتدى اهلا وسهلا فيك وبالنسبة لمادة التسويق الدولي bus414 لا تشيل همها انا اخدتها التيرم اللي فات ومن تلاتة اترام ودا الترم الرابع المطلوب والمحزوف هوا هوا ما تغير انا سألت واحد معاه في التيرم دا واكد لي دا الشيء
المقرر كتاب التسويق الدولي تأليف حبيب التركستاني والمحزوف الفصل الرابع اللي بيتكلم عن البحوث التسويقية الدولية واخر فصل في الكتاب ما اعرف ازاا كان التاسع او العاشر المهم انو آخر فصل في الكتاب لانو حاليا ما يحضرني الكتاب عموما ركز على المنتج الدولي والتسعير الدولي والترويج الدولي والتوزيع الدولي اللي هيا تعتبر عناصر المزيج التسويقي 4Ps والسؤال اللي متعود يجيب الدكتور / ياسر الخطيب سؤال مقالي هوا ما هي خطوات دخول المنتج الى الاسواق الدولية بالرسم
هيا ستة خطوات موجودة في فصل المنتج الدولي , وبالنسبة للمادة صدقني جدا سهلة والكتاب افضلك لا تستعين بمزكرة ولا باي شيء تاني ركز على اللي قولتلك عليه وان شاء الله ما تجيب الا درجة تسرك وازا حبيت تستفسر عن اي مادة تانية في مسار التسويق انا حاضر لك يا سيدي
تقبل مروري وآسف على الاطالة في حفظ الله عزيزي سلطان
فرانشيسكو
|