[شتاء يختزن الرعود]

المشاركة الأصلية كتبت بواسطة عذب بحكي لكم عن تجربتي يمكن تدخل الامل على قلوبكم انا خريجة عام 2005 من وانا في البكالوريوس كان حلمي اكمل دراستي وكنت اظن الموضوع سهل وفورا راح ادرس بعد التخرج من قبل التخرج وانا مجهزة التوصيات وكل شي عشان ما اتأخر عن الماستر ابدا فعلا تخرجت واختبرت التوفل للمرة الاولى وكان سهل هذيك الايام ونجحت لكن قلة المعرفة دهاء على صاحبها لاني ما كنت اعرف انه علامتي هذي علامة نجاح اصلا واصابني الاحباط واليأس وتركت الموضوع سنتين خصوصا انها ناس كثير جابوا لي التشاؤم بكلامهم عن الواسطات وعن التعقيدات و و و كل الاشياء التعجيزية اللي ببالهم رجع لي الامل مرة ثانية ورجعت قدمت على التوفل ما نجحت المرة الاولى قدمت مرة ثانية كان ناقصني 3 علامات وكان ممكن يمشونها لي لكن ما حبيت قلت خل اختبر مرة ثالثة واخيرة لعل وعسى وفعلا والله الحمد نجحت اخيرا وقدمت على الماستر كذا مرة مرة راحت علي نومة ومرة ما نجحت في الاختبار في المرتين كلهم كنت مقدمة ما ستر ادارة اعمال وسبحان الله كأن ربي يقولي هالتخصص مو لك لان كل مرة اقدم يصير شي يعرقل الموضوع عدت سنة خلالها رجعت لهوايتي القديمة من خلال العمل وعرفت انه ميولي فنية بالدرجة الاولى وليست ادارية وكذا شخص اقترح علي اني ادرس فنون افضل من الادارة لانها تتماشى مع ميولي ... سبحان الله كل تأخيرة بخيرة الفنون عمري ما فكرت ادرسها ولا جت ببالي كدراسة لكن فعلا هي الشي اللي احبه والانسان اذا درس شي يحبه راح يبدع فيه باذن الله قدمت فنون وابشركم اني انقلبت والله الحمد عسى ربي يوفقني وينفعني بهالشهادة ويسخرني لخدمة الناس فيها يارب بس لازم انوه عن كذا شي -كل مرة كنت اقدم على الادارة كنت اقدم كذا بدون تحضير او مذاكرة وكثير من صديقاتي كانوا يتبعون نفس الاسلوب وطبعا محد منا نجح -لمن قدمت على فنون درست الموضوع من كل جوانبه وحضرت للاختبار ورحت بنفسي للكلية وسألتهم عن نماذج الاختبارات وعن الكتب اللي ممكن ارجع لها وفعلا درست منها وحضرت نفسي للاختبار زين - في فترات من حياتي جتني حالة اكتئاب عالية ويأس مو طبيعي وقلت انا مسدودة بوجهي من كل مكان لا وظيفة ولا دراسة مع اني كنت من المتفوقات على دفعتي وكنت طموحة ومجتهدة لكن الصبر زين كل انسان مكتوب له رزقه وبيجيه لين عنده بس لازم يجتهد ولا ييأس ويصبر ويتوكل على الله اهم شي ولا عمر احد يسمع كلام الناس انه واسطات ومحسوبيات هالاشياء صحيح موجودة لكن في حالات ثانية ناجحة بدون واسطة وانا منهم خليكم متفائلين الكثير حاول يحبطني ويقول انت خريجة قديمة او مقدمة على تخصص مو امتداد لتخصصك ومارح يقبلونك و و و لا تسمعون احد الله يوفق الجميع يارب

قوية ياعذب .. هكذا هو المؤمن .. لا يعرف يأس ولا تقهقر ..

أعجبتني عزيمتك وقوة إصرارك .. قصتك مليئة بالعبر والفوائد ..

وكثر هم المثبطين صدقيني .. صبرتِ وعوضك الله .. سعيتي وكان الله معكِ ..

مبارك لكِ القبول وعقبال الدكتوراه .. أبدعي ياغاليه ..

وأشكرك شكرا جماً على سرد هذه القصه الرائعه لعلها توتسي أحداً فيعقد العزم على الصبر والاجتهاد ..

طيبة دمتِ