[samo123]

المشاركة الأصلية كتبت بواسطة kado0osha يآآعسوولات الله يسعدكم اللي فآآهمة شابتر 10 ( الأشكال الهندسية الفراغية - التهجين ) يآآليت لو تشرحوا ليا مو فاهمة في شي لاني كنت غآآيبة .. ومشكورين مقدما ..

انا بحاااول افيدك على قد فهمي وإن شاءالله افيييدك

تفضلي الشرح:



في حاجات أساسية لازم تعرفيها إنو :
أي مركب من مركبات الألكان(يعني الرابطة بين ذرات الكربون احادية),, التهجين تبعو رمزو sp^3

أي مركب من مركبات الألكين(يعني الرابطة بين ذرات الكربون ثنائية),, التهجين تبعو رمزو sp^2

أي مركب من مركبات الألكاين(يعني الرابطة بين ذرات الكربون ثلاثية),, التهجين تبعو رمزو sp



طيب كدا انتهينا من التهجين (هوا دا كدا مفهووم التجهين باختصار وأنا بصراحة اخذت التهجين زي كدا وبس ما اخذت حاجات تانيه لأنو مو مطاالبين بالباقي)




نجي دحين للأشكال الهندسية
بكل اختصار:
الألكان شكلو الهندسي: رباعي السطوح (tetrahedron)
الألكين شكلو الهندسي: مثلث مستوي(trigonalplanar)
الألكاين شكلو الهندسي: خطي(linear)





طيب دحين نجي للزوايا :

الزاوية بين روابط الألكان 109.5 درجة
الزاوية بين روابط الألكين 120 درجة
الزاوية بين روابط الألكاين 180 درجة




آخر حاجة نوع الروابط :
نوع الرابطة في الألكان: رابطة وحدة فقط من نوع سيجما(sigma)
نوع الرابطة في الألكين: رابطة من نوع سيجما(sigma) ورابطة اخرى من نوع باي
نوع الرابط في الألكاين: رابطة من نوع سيجما(sigma) و رابطتين من نوع باي










ملخص أخيييير لجميع المعلوومات السابقة: ^_^






الألكان
التهجين :sp^3
الشكل الهندسي :رباعي السطوح (tetrahedron)
الزاوية بين الروابط: 109.5 درجة
نوع الروابط : سيجما فقط.








الألكين
التهجين :sp^2
الشكل الهندسي :مثلث مستوي(trigonalplanar)
الزاوية بين الروابط: 120 درجة
نوع الروابط :رابطة سيجما ورابطة باي.









الألكاين
التهجين :sp
الشكل الهندسي :خطي(linear)
الزاوية بين الروابط: 180 درجة
نوع الروابط :رابطة سيجما ورابطتين باي.












اتمنى تكون وصلتك المعلوومة بالشكل المطلوووب

تقبلي مرووري ولا تنسي تدعيلي.