[مهموم والله]

صبآح دكتورنا العزيز علي الزهرآني

في البدآية أحب اشكرك على مجهودك المميز من خلال المنتدى وتفريغ وقتك لخدمة الطلاب وما أقول الا الله يعطيكي العافية وربي لآيحرمك الأجر

عندي استفسار منك الله يسعدك وأتمنى منك تفيدني الله يسعدك انا اختبرت الاختبار الأول في الثلاث الفصول الأولى وكانت سهلة تقريبا والحمدلله جبت درجة ممتازة لكن الاختبار الثاني كان في الفصل الرابع والخامس والسادس صرآحة دخلت الإختبار والحمدلله قدرت احل اسئلة الفصل الرابع لكن الخامس والسادس ماحليت منها شيء وللأسف كانت الدرجة سيئة لكن الحمدلله على كل حال

استفساري بالضبط كيف تنصحني مذاكرة الباب الخامس والسادس خصوصا وانه السابع والتاسع يلي راح يكونوا معنا بالاختبار النهائي مرتبطين معاهم وعدم فهمك لواحد منهم يعني ماراح تفهم البقية وانا ذاكرت الخامس والسادس من اشرف بركات بس دخلت الاختبار واشوف الاسئلة ماني فاهم اي شيء ابدا وصراحة انصدمت خصوصا اني بذلت مجهود كبير في المذاكرة قبل الاختبار لكن اكيد فيه خلل في مذاكرتي في البابين وطبعا انا ذاكرت من اشرف بركات ماادري هل اسئلة الملخص يمكن ماكان فيها نوع من التفكير مجرد اشياء مباشرة ولا طريقة مذاكرتي للبابين خاطئة ؟؟

واتمنى اذا تقدر دكتورنا العزيز تنصحني بحكم خبرتك بشيء اذاكر منه خصوصا هالبابين ويلي بعدهم يعني مرجع يحتوي على تمارين مختلفة ومتنوعة الأفكار وايضا على شرح وافي للبابين لانه عندي والله نية اجيب الفل مارك في النهائي بس مجننتني هالبابين وماعندي نية اذاكرهم من اشرف بركات ايضا ..

أتمنى مااكون ثقلت عليك يادكتورنا وبالتوفيق بإذن الله للجميع ..

دُمت بود