رد: مطلوب ملخصات لمادة الكيمياء
نصيحتي لكل واحد او وحده تدور او يدور على ملخصات ::::
نصيحتي هيا إنك تمسك ملخص لمدرس معين تكون واثق فيه او إنك سمعت زملائك يمدحوووه وتذاااكر منو بسس
بعض الناس يلخبطو نفسهم ويذااكرو من ثلاثة ملخصاات << كدا مررره ما ينفع
ليش كدا ما ينفع << بالعكس لمن تذاكر من عدة ملخصات معناتو عندك عدد كبير من المعلومات صح ولا لأ؟؟؟
طبببببببعا لا الصح إنك تذاكر من ملخص واحد بس ليييش ؟؟
دحين اقوولك :
لو إنت في السعودية وتبغا تروووح لمصر كيف رح تروح ؟؟؟
ممكن تروح بالطيارة .... وممكن تروح بالعبااارة
في طريقتين يعني إنت عليك تختااار وحدة بس لكن لو كنت في العباارة وفي نص الطريق فكرت ترجع السعودية عشان تطلع طياارة << مررره رح تتأخر لكن في النهاية رح توصل بس متأخر
اما لو كنت ماشي على طريق واحد مهما كان طويل رح توصل مهما صااار بإن الله
نفس الشيء في الكيمياء او في اي ملخصاات
الملخصات عبارة عن عدة طرق للوصول للنجاح
عليييييك تاخذ طريق واحد بس عشان توصل للنجاح في اقصر فترة ممكنة والطريقة إنك تذاكر من ملخص واحد وتكون واثق من صاحب الملخصات وبس
وحتى لو بعد كم يوم سمعت إنو في ملخصات مرره جيدة لدكتووور
لا تاخذها <<ليييش؟؟
لأنو إنت قد مشيت نص الطريق ما ينفع ترجع تبدأ من جديد << رح تطول عليك المذااكرة
اتمنى تكون فكرتي وصلت لكل واحد او وحده مربووش وخايف من الإختبارات
دعوااتكم ليا :)
|