رد: تفاصيل بكالوريوس العلوم الطبية الأساسية
السلام عليكم
كيف حالكم وكيف دراستكم ؟
موفقين ان شاءالله
كلكم بتسألوا عن طبيعة الوظايف في هذا القسم وهل هي متوفره او لأ؟
طبيعة الوظايف حسب الكلام المكتوب في مجال الابحاث يعني احنا عندنا معامل ابحاث زي مثلا في الجامعه مركز الملك فهد للبحوث الطبيه وكمان مستشفى التخصصي-غالبا هذي اماكن التوظيف في جده او اي جهه تحتاج باحثين- وترى بيطلع منها في السنه كم بحث والغالب بيعتمد من برا ويطبق عندنا والمشكله انه اللي بيشتغلوا في الابحاث دحين الدكاتره اللي يدرسونا وهم مو متفرغين للابحاث فمن هنا جات الفكره لهذا التخصص,
ونقطه اخرى هذا التخصص ماانفتح الا وهم محتاجينه والوظايف متوفره لأنه ماعندنا احد متخصص فيه
ومن جد من الواقع اللي لمسناه انه احنا ناس متأخرين علميا لأنه ماعندنا ابحاث..
وكمان التخصصين اللي موجوده-التشريح ووظائف الاعضاء- هي اصلا مواد بيدرسوها طلبة كلية الطب وممكن تحضر فيها ماجستير ودكتوراه وتصير محاضر في كلية الطب في الجامعه فهذي فكره مريحه جدا للناس اللي عاجبهم التشريح او غيره ويبغوا يتخصصوا فيه-زي حالي بس راحت علي- يعني بدل مااضيع 7سنوات طب بعدين اتخصص تشريح اخذها من البدايه واوفر علي سنوات من عمري!!
وبعدين انتو حتكونوا اول دفعه فحكاية الوظايف ماحتكون مره مشكله يعني!!
|