[ستأتي أيامي]

السلام عليكم ورحمه الله وبركاته ..

كيف الحال والأحوال ..

يااااااااااااااااارب

الكل يكون في صحة وعافية ..

الرز الندي أفضل أنواع الرز عندي .. مرررررررره أحبو أكثر من أي نوع آخر .. ما أدري ليش لو أحد عندو سبب يقولي ..

طيب نبدأ في الطبخة سريع عشان ورايا حلا كمان أبغى أنزلو لعيونكم الحلوة ..

المقادير: ..

لحمة .. مقدار مناسب ..

رز .. مقداركم اليومي .. أنا استخدمت 4 أكواب ..

3 مكعبات مرقة ماجي .. هذا المقدار مررررررره مهم جدا جدا لوماحطيتوا الماجي ما يجي نفس طعم المطعم ..

شويا ملح ..

5 حبات قرنفل ..

5 حبات فلفل أسود ..

5 حبات هيل ..

عودين قرفة ..

نص حبة بصل غير مقطعه توضع كما هي ..

ملعقة صغيرة هرد ( كركم ).. ولو حابين الرز يكون أصفر زيادة حطوا ملعقة وسط

الطريقة : ..

تسلق اللحمة في موية مع المقادير اللي فوق كلها لمدة ساعة ونصف .. ما عدا الرز ..

نجيب زبدية وننقع الرز طبعا على بال تستوي اللحمة ..

..

ملاحظة للمبتدئات ..أثناء السلق نلاحظ هذا الشيء يخرج من اللحمه ..

على طول نشيلو ونرميه وهذي الطريقة في كل أنواع الرز بس أنا نسيت أنبهكم على النقطة هاذي ..

عشان هاذي الأشياء هي اللي تخلي الزر ريحتو لحمه ومو حلوة ..

لما تستوي اللحمة ..

نخرجها ونحطها في صينية ..

ونحط على النار فحمتين ( جمرتين ) ونسوي بالقصدير زي الزبدية ونحط جوتها شويا زيت ولاااااااازم يكون القصدير متين عشان الزيت ما يتسرب للحمة أو الرز .. ونخليهم على جنب ( الفحمة – الزبدية القصديرية اللي جوتها زيت )

ونحط الرز في المرقة وتكون المرقة أكثر من الرز بمقدار 2 سم وننتبه ما تكثر الموية على الرز .. ونستخدم الملعقة زي ما اتعلمنا في الرز الكابلي ..

لما يستوي الرز نسوي حفرة في القدر .. ونحط الزبدية اللي من القصدير اللي جوتها الزيت ونحط الفحمة جوتها ونغطي بسررررعه عشان ريحة الرز يصير نفس الريحة .. وما نفكها إلا بعد 10 دقايق ونحاول نكتمها بمنشفة أو أي شي عشان الريحة لا تروح..

مرررررره أحب الريحة هاذي تجنني

نجيب زبدية صغيرة ونحط فيها ..

عصير ليمون وحدة

وملعقة صغيرة كزبرة مطحونة

وملعقة صغيرة كمون مطحون

وندهن اللحمه بيها ونحطها في الفرن الين تحمر مزبوووووط تقريبا 20 دقيقة

.. ونفس الحركة نسويها للحمة بعد ما تتحمر بفحمة ( جمرة ) ثانية لأنو الأولى خلاص راح مفعولها ..

خلصنا من الرز واللحمة ذحين ..

نجي عشان نسوي سلطة اللبن بالطحينة مع الخيار ..

خيارة مبشورة ..

نص فنجال لبن سائل ..

ملعقتين طحينة ..

ملعقة صغيرة فلفل أسود ..

ملعقة صغيرة ملح ..

شويا خل أبيض ..

ونخلطها مزبووووووط وبس

تفضلو حياكم الله

وبالعافية ..

[motr]

لااااااااااااااازم تجربوها من جد مافي فرق عن طعم المطاعم ..

نفس الطعم بالززززززززبط

[/motr]