لقيت حل مناسب لكم يابنات:
إرسال خطابات بشكل فردي بين فترات زمنية متقاربة.. وبدال ماتراسلو مدير الجامعة لأنو سيحيلها للادارة المختصة بالجامعة..احترماً لصلاحياتها..وهي بدورها اذا رأت جدوى في ذلك سترفع له بالموافقة..وكذلك وكيل الجامعة حيسوي.. لذلك انصحكم تراسلوا ادارة شؤون الموظفين ويكون الخطاب موجه باسم مدير الادارة (بكر الحريري ) لأن دا الرجل من زمان اسمع عنو كل خير.. رجل متعاون..وطيب..وخدوم..وانا بنفسي سبق واتعاملت معاه.. واكيد في مجلس الجامعة حيعرض الموضوع في الجلسة الاجتماعية..جيبو رقم فاكس المكتب واسمو الرباعي (عشان يُدَّون في الخطاب) وابدأؤو.. دا الحل اشوف انو مناسب.. لانكم بكدا راسلتم الجهة المسؤولة مباشرة..وسيبو التعامل مع الحريم..ترى كزابين..وما بيدهم صلاحيات.. بس جعصة مكاتب..والوحدة منهم ما تقدر توقع على ورقة الا بعد ما تتصل على العمادة (القسم الرجالي)..
الحريم سبق واتعاملت معاهم عشان اختبار بديل التوفل جابولي المرض..وبدقايق خلصت اوراقي من القسم الرجالي..
http://labor-admin.kau.edu.sa/conten...g=AR&cid=38116
الخطوات:
الاتصال على صنطران الجامعة وطلب تحويلة مدير شؤون الموظفين..وازا رد السكرتير اطلبو رقم الفاكس..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
استدراك: إلى الزميلة فايقة.. بصراحة مع اني مالي ناقة ولا جمل بالموضوع دا..وانطلاقاً من مبدأ تعاون المسلمين.. إلا اني استفدت كتيراً من الموضوع..وعرفت اشياء كنت اجهلها.. واكبر شيء عرفتو.. سخافة القسم النسائي..اللي وصلت الدرجة فيهم ينكرو تقديم وظايف معلن عنها في وسائل الاعلام..ويقولو مين قال اننا نزلنا وظايف؟؟!!!!
وارجع واقولك كملي دكتوراه.. اظن بالدكتوراه مايقدرو يقولو مافيه وظايف.. وبالماجستير حيمرمطوك.. يمكن يقولو لازم ابتعاث خارجي..
الله يعينكم يابنات انتو لا لقيتوها من ناحية الزواج .. ولا من ناحية التوظيف..
الاكثار من الاستغفار.. وتزكرو اخوان لكم في المستشفيات.. لايتمنو وظايف.. ولا فلوس.. ولا زواج.. يبغو يمشو على ارجولهم لو يوم واحد بس
قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : (مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)
رواه البخاري في "الأدب المفرد" (رقم/300) والترمذي في "السنن" (2346) وقال : حسن غريب .