[جزا]

خلوني اوفر عليكم جهدكم ووقتكم.. من ناحية برنامج 99.. انسوه.. ماحيفيدكم..زيكم كتير راسلوه ومافيه فايده.. ودا مثال بسيط بس على حملة اللغة العربية.. اقرو الردود عشان تعرفو انو مقدم البرنامج يطنش الطلبات اللي زي كدا (الوظايف والبطالة...و...و...إلخ)
لهم شهور طويلة وما عرض معاناتهم..
http://www.arabe1.com/vb/showthread.php?t=2061

وبنات دبلوم التمريض كمان يبغو برنامج 99 يعرض معاناتهم..والمعلمين يبغو (99) يعرض معاناة تحسين المستويات..

انا ما ابغى احطمكم..بقدر ما ابغاكم تعرفو الواقع الـمُـر اللي عايشين فيه.. والملك مو فاضي للاشياء دي..والشورى نفس الكلام...للاسف كل مسؤول يطبق قاعدة (نفسي..نفسي) يعني مافيه مسؤولين فدائيين..لو اتكلم وطالب..ثاني يوم وتلاقوه جالس جنب زوجتو في البيت...واكبر مثال عالم الأمة الشيخ الشثري (عضو هيئة كبار العلماء..سابقا) بس قال ياليت مايكون فيه اختلاط في جامعة (كاوست) وتاني يوم وهو نايم في بيتو (مفصول من هيئة كبار العلماء)

واما من ناحية الحملات... فأنا على كتر ما شفت حملات وحماس في البداية...وبالنهاية تطفي نار الحماس...ويصيب المواضيع والردود خمول.

الحل:
طوروا انفسكم..ماجا النصيب بالبكالريوس...جرب بالماستر...ماجا النصيب بالماستر...شوف الدكتوراه...ماجا النصيب بالدكتوراه...شوف لك اقرب مقبرة <=---- دا آخر حل ...وإلا تعالو معايه ناخد الجنسية الكندية في شهر 8