[ابوعمار4]

المشاركة الأصلية كتبت بواسطة nisreen السلام عليكم .. سوري عالمداخلة بس عندي كذا نقطة أعلق عليها : 1- الجامعة يفرق معاها .. لأنهم رفضوني السنة اللي راحت بعذر إني من خريجات أم القرى .. وقالت لي المسؤولة بالعبارة الصريحة "انتي ايش جايبك ؟ الكراسي لخريجات الملك عبد العزيز ! " 2- من جد هذي النقطة ضحكتني بالله ما يفرق لو كنت من هارفارد ولا من كلية المعلمين ! المحتوى والمواد ومستوى الدراسة مرة يختلف ! أصلا ما في وجه مقارنة .. والتخصص فيه صعب وفيه سهل .. أنا وصديقتي لما هي تكون اقتصاد منزلي وتاخذ امتياز وأنا فيزياء امتياز بيكون نفس المجهود والمستوى ! الله يخليكم شغلوا عقولكم شوية 3- أوافقك الرأي في هذه النقطة "إنها جامعة ما يهمها كفاءات " كل اللي يهمها "قوانين ما هي عارفة تطبقها " ، "وأجوبة لا تمت لأسئلتها بأي صلة ! " أضف إلى ذلك"التخبط وعدم المساواة"" .. الماجستير الخاص فتح للناس اللي انظلمت في دراستها الجامعية أو أخفقت لأي سبب كان ( عشان لا تقولوا حجتكم انكم انظلمتوا ! ) .. وفي الأخير تقول لي لازم يكون معدلك ممتاز .. لا وعليه 30 % من النسبة ! طيب ليه أعطوا مجال لمن تقديرهم جيد للتقديم طالما فيه مفاضلة مستوى جامعة سابق ! تخبط في تخبط .. الظلم في كل مكان .. وما هي أول مرة ولا راح تكون آخر مرة الجامعة فيها بهذه الصورة الرديئة .. تسألوني ليه أقدم فيها .. لأنها وللأسف "معترف بها في وزارة التعليم العالي ".. تحياتي ..

اختي الفاضلة زوجتي انقبلت توجية وارشاد االفصل الماضي وهي خريجة من جامعة ام القرى عام 1419 واختي انقبلت الفصل قبل الماضي تقنيات تعليم وهي على تخرج هذا الترم وهي من كلية التربية في مكه تخرجت عام 1418 غريبة انهم قالو لك هذا الكلام