[a7la donia]

هاي صبايا جامعة الملك عبدالعزيز

السلام عليكم ورحمة الله وبركاته...

كيفكم أجمعين .... ؟

وخصوصا بنات كلية العلوم التربوية..

وبالأخص طالبات المستوى الثامن على قولتهم ...(مو صرنا جامعة) <<<< مصدقة عمرها

المهم .. ماأطول عليكم السالفة

مبروكين عالتخرج مقدما ... وهالله هالله في المعدل شدو حيلكم

ثانيا : وهو موضوع النقاش اليوم <<< ( تبي تفش القهر)

ايش رايكم ياجامعيات .. ياطالبات المستوى الثامن

بحفلة التخرج الي بتسويها الكلية احتفاء بتخرجكم... (مو احنا الي مخربين عليهم النظام الجامعي)

والتي أسمتها حفل التوديع ...لاحظو بس المسمى (يعني لاعاد نشوف رقعة وجيهكم)

والتي ستقام في قاعة الأميرة الجوهرة ...

طبعا جزاهم الله خير انهم عطونا وش وقدرونا... ماختلفنا

بس سؤالي لكل البنات من جميع الأقسام ...

س: هل أنتن راضيات عن هذا الحفل أو "الصبحية" إن صح التعبير؟

لأنه راح يكون بالنهار... "يعني كنك رايحة الدوام"

والي ماراح يزبط معاه لبس تخرج ولا ميك أب ولاشي .. (وأنتم أدرى)

ثانيا: ماراح تكون فيه مطربة يعني مافيه زفة ولا شي

ثالثا: اللبس له مواصفات معينة

طبعا الأخبار هذي كلها جبناها من الأقسام الثانية ... ولا قسمنا مايدري عن شي

وإذا كنتو مو راضيين عن هذا كله .... ليش ماحتجيتو وسمعتوهم أصواتكم

أقل شي من حقوقنا كجامعيات .... إنا نعبر عن رأينا ... ولا؟

يعني مو كفاية الي سووه فينا على طول 4 سنوات ...

محد شاف اللي احنا شفناه ....

وللي مايعرف ايش السالفة راح أوضح ....<<<( تبي تخربها)

سنة أولى كانت أصعب سنة مرت علينا غيرو كل المناهج ونزلو مواد ثانية بالاضافة لمواد أولى

ودخلو مواد جديدة ... وبعد الكرف ذا كله رجعوا لغوها وقالو إنا رجعنا على النظام القديم (نظام الكلية)

وفي سنة ثانية رفعولنا المواد الي درسناها سنة أولى ودخلوها في المعدل وكانت مواد تخصص

وعدد ساعاتها كبيرة..(واحنا درسناها في سنة كانت ضغط رهيب)

وخلونا ندرس مواد عامة كان عدد ساعاتها قليل وكنا فاضيين طول السنة ونزلو المواد العامة لسنة أولى

عشان يسوو نفس المعادلة القديمة

وسنة ثالثة عدت بين جامعة وكلية وغيرو نظام الاختبارات وأمور تكنيكية الحمد لله ماأثرت كثير

وفي السنة هذي ... مايحتاج أقوول يبيلها موضوع لحاله .... لأنهم نقلونا لكلية الفيصلية

وأجبرو يدخلولنا النظام الجامعي

عاد كيف النظام الجامعي؟ ... مو من حقك تزبطي جدولك ... ولا من حقك تختاري مواد .... واذا حطوكي مع الكتورة الي تبيها يكون فضل من عندهم ... ولانلبس بناطيل للمعامل

وكل ماحتجينا على شي قالولنا انتو جامعة ونظام جامعي وكرهونا بهالجامعة الي سالبتنا إرادتنا كل ماقالولنا نظام جامعي "كتفونا" لأنا مانفهم فيه... فنضطر نسكت

جامعة وندرس 24 _ 27 ساعة بالترم ...؟!!

ويوم تجي على مصلحتنا ونقولهم احنا جامعة سوولنا حفلة تليق بالجامعة إذا ماتليق فينا ...

يقولو لا .. انتهى الكلام والحفلة بالصبح والي يبيها يحضر والي مايبيها يقعد ... وأساسا حفلتكم غير رسمية ولا فيها منظمين .... (لاتكون شهايدنا بعد غير رسمية)

طيب الجامعة ليه ماتوفرلنا منظمين ... ماراح يرفضو لو طلبوهم ؟؟؟؟

استفهامات كثيرة ... أنا بصراحة تعبت ... وحابة أسمع آرائكم بهالموضوع

وسؤالي لطلاب وطالبات الجامعة ؟ هل تقام حفلات "التوديع" عندكم بالصبح؟ ولا بس احنا الي مالنا هوية....
وقولولنا عن الأنظمة عندكم عشان نعرف حقوقنا ... ونطالب فيها..(مع انه فات الوقت)

اسفة عالاطالة وتحياتي للجميع....