[شتاء يختزن الرعود]

نسيت بقولكم .. التقديم على ماجستير في كليه الطب مازال مفتوح ..

واحتمال يقبلوا طالبات احياء يخلصوا ماستر في وظائف اعضاء وعلم تشريح ..

أنا قدمت وطلعت رقم ترشيح .. وقدرت أقدم لان ارقام الترشيح الاولى حقت كلية العلوم خلاص رفعوها ..

بس صادفتني مشكله .. وهي ماطلع لي موعد اختبار القسم .. واخر موعد لتسليم المستندات

وبرضو اني ما ادري اي من التخصصين يقبل طالبات .. حصلت معلومه وظائف اعضاء للطلاب فقط .. بس علم التشريح طلاب وطالبات .. وما ادري ..

وبرضو ماحصلت معلومه اكيده ان طالبات قسم الاحياء يقدروا يخلصوا او لا ..!!

انا قدمت وبس قبل لايتقفل التقديم و تضيع الفرصه وبحاول اسأل .. لأنها بصراحه فرصه جوهريه اذا فيه امكانيه نكمل بكلية الطب ..

لأن جامعة الملك سعود يقبلوا بنات الاحياء في ماجستير كلية الطب بشرط المسار يكون له علاقه بالتخصص .. وقدمت فيه على وظائف اعضاء بس ما حالفني الحظ .. الاختبار كان مره صعب ..

بس اذا فيه امكانيه في جامعة الملك عبدالعزيز شي حلو جداً بنكون ضربنا الفرصتين في كلية العلوم والطب ..

حبيت انوه لكم بس وياليت اكون افدتكم .. واللي تقدر تسأل وتفيدنا ياليت ماتبخل علينا ..