[حلاي من حلى روحي]

(( صينية البطاطس بالكريمة ))


أكلة بسيطة جدا ولذيذة .. تنفع للعشاء أو غدا خفيف ..

المقادير ..
4 حبات بطاطس مسلوقة
2 صدور دجاج مسلوقة
بصل مفروم ناعم
فلفل أخضر .. وإذا كان عندك فلفل ملون اصفر احمر وكذا بيعطي شكل حلو
جزر مبشور
نص كاس صغير حليب سائل
جبن كاسات بالقشطة .. مثل جبن بوك أو جبن المراعي العلبة اللي لونها أزرق
مايونيز
قشطة
ملح وبهارات مشكلة ..
زيت أو زبدة أو زيت زيتون ..

الطريقة ..
*الطبقة الأولى : البطاطس المهروسة :
نسلق البطاطس ونهرسها في وعاء باستخدام شوكة أو ملعقة كبيرة أو فيه ملعقة يبيعونها تكون
مخصصة للهرس ..
مع البطاطس نضيف شوية حليب سائل مع زبدة او زيت زيتون وملح .. نهرس البطاطس لين
نحس انها صارت لينة مثل العجينة وممكن تزيدين الحليب لو حبيتي لين تعطيك الليونة المطلوبة .
تصبين البطاطس في صحن بايركس ..
*الطبقة الثانية : الدجاج مع البصل والخضار :
نحمس البصل بالزيت مع الفلفل الاخضر وصدور الدجاج بعد ما تقطعينها قطع صغيرة مرة مع ملح وفلفل اسود أو اي نوع بهارات تحبينه وبالنهاية نضيف الجزر المبشور ..
نحط الخلطة فوق البطاطس في صحن البايركس ..
*الطبقة الثالثة : الكريمة :
علبة قشطة + 5 ملاعق جبن كاسات + 3 ملاعق مايونيز + مقدار فنجال حليب سائل أو موية
عشان تصير الصلصة سايلة ..
هذي الخلطة انا استخدمها ومرة لذيذة بس ممكن تغيرين فيها على حسب اللي يناسبك .. يعني
بعضهم مايستخدم مايونيز ويزيد من جبن الكاسات وبعضهم يقلل من القشطة والمايونيز وتستخدم
نص علبة جبن كاسات .. يعني استخدمي الطريقة اللي تناسبك ولا تنسين تحطين شوية موية او
حليب عشان ما تتكتل معك الصلصة ..
نصبه فوق الدجاج ..
نحط صحن البايركس بالفرن من تحت لمدة 10 او 12 دقيقة .. ونولع الشواية من فوق لين
يتحمر الوجه ..
م/ن