رد: تجمع طآلبآت إنتسآب reading2 & writing2& lisiting2 &الفرنسي 2
مشكورة يام رنو على كلامك ودعواتك والله يوفقك وينجحك بأعلى الدرجات يااااااااااااااااااارب..
بالنسبة لسؤالك مافي شبتر محذوف لكن في الشباتر الاولى من 1 إلى 6 ركزي على الجرامر والكلمات الجديدة وإذاكان فيه مواضيع كويسة تكتبي عنها بلجراف لانو في الاختبار ماراح يكون بس المواضيع اللي في شبتر7و8و9و10..والاستاذة قالت انو عندنا 3 أنواع للايسيه: نارتيف وكومبارتيف وديسكربتيف وممكن يجيك نوعين مع بعض زي اختبار الترم الماضي قالو لهم اكتبوا كومبارتيف ايسيه (مقارنة )عن تعليم اللغة الانجليزية في المملكة وفي أمريكا فقالت الاستاذة هنا راح تكتبي كومبارتيف يعني مقارنة كمان راح تكتبي ديسكربتيف يعني وصف.. في الايسيه هذا الكلام معناه إذا شفتي اي شابتر فيه اي نوع من الثلاثة انواع اللي هيا نارتيف (تكتبي فيه عن نفسك) وكومبارتيف (مقارنة)وديسكربتيف( وصف) طبعا كيف تعرفي شوفتي لمن تفتحي صفحة الشابتر الزرقاء اللي يكون فيها عنوان الشابتر حتلاقي عنوان صغير Writing productتحته ينكتب نوع البراجراف اللي يتكلم عنو الشابتر على طول أهتمي في الشابتر ودوري فيه عن المواضيع(غالبا تلاقيها في البداية وفي البارت الرابع كمان) هذا كلام مس حنان بس أنتي حاولي أنك ما تهملي شيء لانو في الاختبار ما ندري يلتزموا بكلامهم ولا يغيروا رأيهم فلا تهملي شيء مري على كل شيء وخذي فكرة عن كل شيء في الكتاب لا تسيبي ولا شابتر ركزي تمام ...ولمن تكتبي براجراف حاولي انك تكتبي 2 براجراف مو واحد عشان البدي في الايسيه لازم يتكون من براجرافين او ثلاثة غير عن الخاتمة والمقدمة.. أما بالنسبة لسؤالك عن الدكشنري هيا قالت لا مو مسموح بس كمان راح أسألك هيا في الاسبوع الاخير احتمال يكونوا غيروا رأيهم ويسمحوا ان يدخل معانا في الاختبار..وبالتوفيق..
|