[جوووري 11]

السلام عليكم
كيفكوون مستانسين

اليووم يبت لكم طببق ششهي مرره
تشوفونه

~ مكرونه البيتزا ~








[ المقادير ]









- الطبقه الاولى -

· مكرونه سباغيتي
· علبه قشطه الخفق صغيره
· علبه قشطه عاديه
· 3 ملاعق كبيره جبنه سايله


- الطبقه الثانيه -

· صدر دجاج مقطع صغار
· زيت
· 1 طماطم
· 2 بصل
· ماجي
· ملعقه صغيره معجون طماطم
· بهارات
· اوريقانو


- الطبقه الاخيره -

· جبنه موزاريلا ( جبنه البيتزا )
· فلفل رومي
· زيتون شرائح
· اوريقانو











[ الطريقه ]

تسلقي المكرونه بماء مغلي وشوي زيت - الكرتونه كلها بتكون كثيره خذي اكثر من النص بشوي -
تخلينها تسلق لمده ربع ساعه تقريبا

( والمكرونه تسلق )
تروحين تقطعين صدر الدجاج قطع صغيره
وقطعي بصله وحده قطع صغار
تحمسين البصل مع الزيت والبهارات وتحطين عليه الدجاج تحركينه لما يستوي










تروحين للخلاط تحطين بصله وطماطه وملعقه صغيره معجون طماطم وحبه ماجي
تخلطينها وتصبينها فوق الدجاج
وتضيفين شوي اوريقانو








تحركينها لما تثقل شوي وتتماسك






تاخذين صينيه بايروكس مقاس كبير
تغسلين المكرونه على السريع يعني لا تخلينها تحت المويه بس تشطفينها وتشيلينها
وتحطيها بالصينيه




بعدين تاخذين قشطه الخفق والقشطه ملاعق جبنه سايله
تحركينها مع بعض وتصبينها فوق المكرونه







تحركينها مع المكرونه لما تختلط زين - وهذي اول طبقه -











بعدين تجيبين الدجاج و تحطينه فوق المكرونه كطبقه ثانيه











بعدين ترشين فوقه جبنه البيتزا ( احبها تكون كثيره )
وتحطين الفلفل الرومي والزيتون وشوي اوريقانو ( اللي تحب المشروم او اي اضافه نفس اضافات البيتزا )










وتدخلينها الفرن
ماتطول كثير بالفرن لان كل شي مستوي بس تذوب الجبنه وتتماسك شوي وطلعيها













وبالعافيه ~











منقوول لكم