[حفيدة عمر]

أولا شكرا ليكي نبض الحياة عشان اتحتي لنا الفرصة الحلوة دي
كتير استازات مرو عليا بس عمري بصراحة ماجا على بالي اشكرهم
مدري يمكن خفت يفهموني غلط
بس هنا اقدر اكتب براحتي وأعبر بكل شفافية


شكر لكل أستاذة ذوق مرت عليا في الجامعة
وبصراحة هما قليل بالنسبة لكم الأستاذات الي عاشرتهم !!!
ماعرف ليش الأستاذات يحسبو انهم لما يكونو ذوق حيكونو غلط؟؟
فيه فرق بين الذوق وبين انعدام الشخصية

عندكم أول أستاذة : أ.ريم صقر (محاسبة)
اتعب وانا اقول ذوووووووق لآخر درجة ورغم كذا عمري ماشفت شخصية اقوى من شخصيتها
تمشي المحاضرة بكل هدوء ونظام بس بنفس الوقت بكل ذوق واحترام
الله يسعدها ويسهللها وين ماكانت ووين ماراحت

أ.بدرية "ناسية لقبها بصراحة" بس هيا سعودية كانت تعطيني انجلش فور ساينس سنة اولى
ياربي ايش ذوق هاذي الإنسانة، فن ذوق متنقل
اشوفها كثير في الممرات واطالعلها وابتسم وتردلي الإبتسامة بكل ذوق
اعرف انها ماهي فاكراني بس كفاية انا كل ما اشوفها اقول ياربي يسهلها دروبها

أ.سلطانة الشمري (حاسب)
من جد دي الإنسانة أخلاق وذوق وفي نفس الوقت شخصية قوية
الله يوفقها ويسهللها أمورها

أ.استشهاد حريري (ثقافة)
تحسيها اختك مو استازتك من جد كانت تحسسنا انها قريبة مننا
سهلة في تعاملها تحببك في المحاضرة رغم كمية الملل الي موجودة في المنهج
الله يوفقها وين ماكانت

أ.فوزية العتيبي (عربي)
هاذي الأستاذة لو امدحها من اليوم لين بكرة ماخلصت، ماعمري اشتقت لمحاضرات زي محاضراتها
ولا عمري اشتقت لأستاذة زيها، احاول بين كل فترة وفترة انطلها في المكتب اسلم عليها
ماعرف ايش اقول وايش اخلي.. وحتى الدعوات تحتاري عندها ما اقول غير ربي يحققلها كل اللي تتمناه..

أ.دعاء سناري (حاسب)
قمة الأخلاق والتواضع.. ربي يسهلها أمورها..

د.أمل شلبي (قانون)
عسسسسسسسسسسسسل آخر حاجة
رغم غلاسة القانون وكتر كلامو.. كانت تشربنا المنهج شرب
محاضرتها متعة غير طبيعية.. تشرح وتمزح وتنبسطي معاها آخر بسطة
ياربي يجعل حياتها سعادة في سعادة يااارب

د. سحر مهران (إدارة أعمال)
تعرفو الأمانة؟؟ متمثلة في دي الإنسانة يختي عليها تشرح من قللللب
وفي نفس الوقت تعطيكي فوائد في الحياة.. تحسي براحة نفسية في محاضراتها
الله يسعدها ياااارب

أ.صباح الغامدي (محاسبة)
سمعت كتير كلام عنها وانها فيها ويخطيها
بس اللي شفتو غير كذا ابداااا
حقاااااانية تعطيكي حقك بالمللي هذا اذا ماتعطيكي زيادة
وفي نفس الوقت ذوووووق
ربي يفتحلها دروبو

وبعد الكلام اللي فات كلوو
مو معناتو انو استازاتي خاليين من العيوب ومنزهيين
هادي طبيعة البشرية احنا نفسنا مو كامليين فليش نطالب غيرنا بالكمال؟؟
والترتيب كان عشوائي كلهم حبوبين واعزهم نفس الدرجة
وترا الكلام الي فوق مالو دخل بالدرجات ابدااااا
بعض المواد اللي درسوني هيا اخدت فيها درجات
بس الغلط كان طبعاً مني


وفي النهاية كل مكان وكل مجتمع فيه الطيب وفيه البطال
والله لايحط في طريقنا الا كل طيب يخاف ربو

وشكرا مرا تانية
: )