السلام عليكم ورحمة الله وبركاته
مع إنو مرة بدري بس بدل الواحد يمل من الانتظار والترقب يتناقش في مواضيع تخص مستقبلو أحسن
طيب بدون مقدمات خلينا على التخصص أحس دا الشي الوحيد إلي نقدر نعملو في دي الفترة لأننا محنا عارفين الدول
بمعنى التخصص إلي راح ندرسو ـ لو ربنا أراد ـ لازم نحددو ويكون على إمتداد تخصصنا أعتقد صارت مشاكل ـ حسب إلي سمعتو ـ لأن البعض ماكان مجال الدراسة نفس مجال التخصص
تاني شي لما نجي نختار التخصص لازم يكون مرغوب في السعودية وليه مجال وظيفي يعني مثلا لا تروحي كبنت تدرسي علوم بحار وإحنا عندنا مافي بنات يغوصو في البحر أو لا تروح كولد تدرس هندسة شلالات وإحنا ماعندنا شلال واحد في المللكة كلها
دا شي الشي التاني التخصصات إلي تجيكي كيمياء حيوية فيزياء حيوية تقنية حيوية ـ بتكلم عن تخصصي ـ كلها تخصصات تطلب مسارين ( الكيمياء والأحياء ) ( فيزياء وأحياء ) ( حاسب وأحياء << حسب التخصص الدقيق للتقنية الحيوية ) وفي دي الحالة ممكن إنت كطالب تتورط في تخصص إنت ماكنت حابو من الأساس أو ماتقدر تمشي فيه لكن لو كنت حابو ساعتها أعمل مفاضلة مابين الخطط الدراسة لكل قسم يعني مثلا لو أخترت فيزياء حيوية راح يطلبو منك تدرس مقررات فيزياء ودا طبيعي بس أية فيهم راح يكون أكتر مواد الأحياء أو مواد الفيزياء ..
أنا عارفه الكلام ممكن يكون صعب شوية بس فعلا مافي شي بيدنا غير ندور على التخصص المناسب وربنا يصبرنا :)
والله يوفق الجميع ^___^