رد: إلي أخذ مادة إدارة مشروعات صغيرة bus401 مع الدكتور نبيل محمد مرسي خليل
هلا بالشباب بصراحة مادة إدارة المشاريع الصغيرةBus 401 كانت مادة جدا رهيبة حتى الدرجات السمستر اللي فات كانت عالية بالنسبة لجميع الطلاب لان اللي وضع الاسئلة الدكتور/ عبدالله عبدالقادر نصير وكان متعاون جدا مع الطلاب والاسئلة كانت واضحة وعموما جاب 50 فقرة صح وخطأ و(سؤال مقالي طبعا ما كان اجباري ) اللي يبغى يحله براحته وعموما يا شباب المادة جدا سهلة ومفرداتها من واقع الحياة العملية اللي بنعيشها وبالنسبة للدكتور/نبيل خليل مرسي سمعته طيبة ودرست عند مادة الادارة الاستراتيجية bus 331 وكل ما عليك انك تنتبه معاه في المحاضرة واللي يقولك حط تحته خط على طووول اكتب معاه وبالنسبة للمنهج حق المادة انا باتكلم عن نفسي انا زاكرته من مزكرة هاني عرب والحمد لله نفس المقرر بعد ما قارنت اللي معانا بنفس اللي موجود فاتمنى منكم يا شباب اللي يبغى يستعين بالمزكرة يسوي يطابقها بالفصول المقررة عنده عشان ما يتوهق وان شاء الله لا تشيلو هم المادة دي لانو عن جد سهلة وعلى فكرة يا شباب الدكتور/ هاني العمري برضو يدرس هادي المادة في الدورات القائمة حاليا اللي بدو يستفيد ويعرف اكتر عن المادة يسأله ان شاء الله يفيدكم اكتر مني وتقبلو مروري
فرانشيسكو
|