[Itti_wow]

بنات ، صباح الخير

انا مع الدكتورة نادية عبد الغفار .. أحسن دكتورة مرت عليا في حياتي .. تفاهم وأخلاق ومعلومات .. الله يوفقها ..

بالنسبة لإدارة أعمال دولية ،، التدريب يخص أي مادة او مشكلة لها علاقة باي شي دولي .. يعني مثلا اللي في بنك لازم تشوف اذا البنك فيه تعامل مع بنوك انترناشيونال .. وتبدأ تشوف أي مشكلة ممكن البنك يسمح لها انها تناقشها وتحلل المشكلة وتحط لها حلول وهكذا .. طبعا لازم تحطي في راسك انه البنك ماراح يقبل تطلعي ارقام او مبالغ حقيقة فتحاولي تحطي ارقام مزيفة للحفاظ على سرية معلوماتهم ..

بالنسبة للشركات نفس الشي .. اي قسم يتعامل مع شركات اجنبية او دولية تحاولي تشوفي اي مشكلة وتعملي لها تحليل وتحطي كل اللي في راسك

بالنسبة لكتابة البحث .. انا عندي الاوراق اللي وزعتها الدكتورة الغالية وبأحاول اني اعمل لها سكان واحطها لكم عشان تستفيدوا .. ولازم تدعوا للدكتورة لانها والله انسانة خلوووقة جدا .. وتبغى الكل يتفوق وينجح ويستفيد

ان شاء الله اني افدتكم .. ولا تترددوا في طلب اي معلومات او تفاصيل .. انا حاساعدكم باللي اقدر عليه ان شاء الله

بالتوفيق للكل ..