[أميرة بحروحي ..}]

هلا حبيبتي كنت زيك حايسه و حالتي حاله ..~

انا بقولك طريقتي و انتي عاد و شطارتك ..

اول شي سمي بالله و شيلي من بالك موضوع ان الاحصاء صعب لانو مو صعب اببببببببببببببدا بس مجرد تعرفي القانون و تطبقي جدا روعهـ ..

تاني شي جهزي لنفسك وقت تكوني فيه فايقه و ما عندك اي ازعااااااااااااج ..

ثالث شي جيبي الكتاب و دفتر و ورقة A4 و قلم و مرسام و آلة حاسبه المطورة ..

رابع شي ابدأي حملي اول باب في الاحصاء من هنا ..~


و باقي الابواب من نفس المكان حمليها ..~
و طبعا لو لا حظتي اول فصل نظري بس مهم جدا لان الفصول التانيه تتعلق فيه ..

حاولي تسوين لك رسم شجري عشان تفهمين نفسك الفصل الاول لان افضل شي له الرسم الشجري ..

لانه يتكلم عن البيانات ..~

خلصتي الفصل الاول اقفلي الكتاب و استرخي لا تشوشين على نفسك بكثرة التساؤلات .. صح الفصول التانيه متعلقه فيه بس بطريقة بسيطه ..

بعد ما تسترخين امسكي الاسئلة اللي باخر الكتاب و الاسئلة اللي بالدرس نفسه و ابدأي انتي حلي بدون لا تعرفي الحل الصحيح و بعدين قارني اجابتك بالاجابات الصحيحه ..

ملاحظه مهمه .. لما تحلي اسئلة الفصل الاول امسكي اول فقره و ابدأي فصليها لان الدرس يتكلم عن البيانات و هي نوعين فصلي الفقره دي من اي نوع ..

و الباب التاني برضو نظري بس لازم تحاولين تلاقين المعلومات المهمه و تحفظينها ... و برضو تطبقي على الاسئلة اللي باخر الكتاب ..


و البيبان الثالث و الرابع :D تبدأ المسائل و القوانين ليش قلت لك هاتي ورقة A4 .؟. عشان كل ما يقابلك قانون اكتبيه فيها

و احفظي الرموووووز مزبوط كل رمز وش يعني ..

و بعد كذ1 بيبدأ يسهل الموضوع لانك عارفه الرموز و عارفه القوانين الاساسيه .. و بس تطبقي في القوانين اللي بتدرسيها ..

انا حاليا في الفصل الرابع( اذكروا الله ) ... و الحمد لله شايفه انو اذا عرفت القانون و بتطبيقي للباب الاول في المسألة عرفت احل .. و لله الحمد ..

و حاولي لما الاستازه تحل انتي اسبقيها بالحل و شوفي النتيجه النهائيه و صدقيني راح تتشجعي ..

بالتوفيق للجميع ..

ادري طولت بالكلام بس حبيت افيدك بتجربتي .. :$

لا تنسوني من دعوة بظهر الغيييييب ..~