ماشاء الله ع الأفكار المجرمة
موضوع مرررره مهم جدا جدا
شوفو ياعسلات أنا ما أهتم للأسف في الشامبوهات واللوشنات والمقشرات أهتم في أشياء ثانية >>>> ايش بقي ههههه
أهم شي عندي رجلي الله يعزكم ما تكون متقشرة وأفضل كريم من واقع خبرتي الفازلين والله مررررررره خلي رجلي زي رجل ولدي حمادة 11 شهر هههههههه
أحطو بعد كل وضوء وكل يوم ترويش أحك رجلي بالحجر وياسلاااااام
كمان الجسم أحط فازلين بعد الترويش على طووووووول والجسم مبلول
في ليفة دايما استخدمها من وصايا ماما الله يحفظها ألا وهي الخيشة الحمراء اللي تجي مع البصل لا أشوف وحده تضحك والله من جد مرررره تنضف في البداية تعور لكن لما يتعود الجسم عليها تحسي انك ما تنضفي الا بيها هههههه
وأحب الليفةالسورية اللي لونها اسود مررره روعه لما تكوني عرقانه وتتروشي والله ينزل بلاوي جربوها ماحتندمو بس البلاوي ماتنزل دايما وكمان يبغالها حك بالقوة والجسم يكون رطب مو مبلول ومن دون صابون وهاذي صورتها
أو الخيار الثاني
جل جونسون من جد نعومه للجسم خيالية
أنا ما أحب الخلطات والعفش الزايد
وكمان جربت دوف بس مو مره عجبني ماارتحت في زي الفازلين
حبيب قلبي الفازلين
والاسكينول صح ينزل الوسخ بس ما أحس الرقبة تفتح يعني أشوف القطنة فيها سواد والرقبة هيا هيا
ولو افتكرت حاجة انزلها على طول
تشكرااااات ع الموزوع الرايق
كمان تسامحات ع التأخير ههههههههه