[pharm.d .s]

المشاركة الأصلية كتبت بواسطة super mo6awa3 معليش طفشتك سستر pharm.d .. أبغى أعرف لو أنا ذحين صرت -إن شاء الله- كلينيكل فارمسي .. طبعا زي ماقلتي انو ممكن أكمل ماجستير في أي واحد من الأقسام اللي قلتلك عليها أول .. طيب لو أنا كملت ماجستير في قسم النواتج الطبيعية والطب البديل (لأني صراحة مرة أحب الطب البديل) هل بعد كذا حأرجع أتوظف في المستشفى ونفس طبيعة عملي قبل الماجستير زي ما كنت ولا ما ينفع إني أتوظف في المستشفى؟ أو بمعنى أصح: انو الطب البديل مو مكانه المستشفى وإيش أحسن اني أكمل ماجستير في الصيدلة السريرية ولا عادي ما تفرق (من ناحية الوظيفة والراتب) لو كملت في أي قسم؟ لأني أنا صراحة أحب الطب البديل وفي نفس الوقت أحب شغل المستشفى (متابعة المرضى وبرامجهم العلاجية وووو .... إلخ) يا ابني انت لما تتخرج من برنامج الفارم دي في جامعتنااا يسير عندك خيار يا تكمل رزدنس وبعد الرزدنس تسير كلنيكل وطبعا شغلك يكون بالمستشفى او انك تكمل ما جستر في احد الاقسام الي قلنا عليها من اول طبعااا الي انت ما تعرفوا عن النواتج الطبعية انو هيئة الغذاء والدواء الامريكية ما تعترف فيهااا كا ادوية واصلا سمعت انو دا القسم مو موجود في امريكاااا ودا مجرد شيء سمعتوا وما اعرف 2/ بالنسبة للسنتين الرزدنس اللي بعد التخرج اللي أدرسهم عشان أصير كلينيكل فارمسي .. هل أنا حأقعد ادرس بمعنى أني أدرس (دروس ومحاضرات...) , ولا أشتغل (كموظف) لمدة سنتين وآخذ راتب وخلاص بعد السنتين تلقائيا أصير كلينكل فارمسي؟؟ وبعد السنتين ذي الرزدنس مين اللي يعطيني شهادة اني كلينيكل فارمسي؟ المستشفى اللي أنا شغال فيها ولا الجامعة؟ 3/ أنا سمعت انو كثير من الطلاب المتخرجين من الكلية ياخذوا الرزدنس برا المملكة؟؟ إيش المقصود بذا الكلام ؟ هل يعني انهم يروحا يدرسوها برا ولا يروحوا يشتغلوا برا؟؟ وليش أكثر الطلاب ياخذوا الرزدنس برا؟؟ 4/ ذحين أنا لما أتخرج بعد ال6 سنوات راح يكون معايا فارم دي .. هل أقدر اني أشتغل في المستشفى وأتابع المرضى ووو وأنا معايا فارم دي؟؟ ولا لازم أكون كلينكل فارمسي عشان أقعد أتابع المرضى؟؟ بمعنى انو أي صيدلي معاه فارم دي وشغال في مستشفى ماله شَغله غير انه يشتغل في صيدلية المستشفى ولا ممكن يشتغل مع المرضى ويتابع برامجهم العلاجية؟ 5/ انتوا حاليا وانتوا تدرسوا في الكلية مو تدرسوا المرض والدواء المناسب له .. طيب هل تدرسوا بس المرض الفلاني والدواء المناسب له بس ولا تدرسوا المرض بالتفصيل وإيش أعراضه وإيش يخربط في الجسم وووو؟ إذا كان كذا فما في فرق بين الطبيب والصيدلي .. وإذا كان الفرق فقط هو التشخيص فأظن برضه حتى الصيدلي يقدر يشخص لأنو درس المرض وأعراضه وكل شي عنه فبالتالي أكيد يقدر يشخص

انا راح اجاوب على الاسئلة كلها مرا وحدة
الدراسة عندنا مجرد كلام نظري مو تطبيق زي البشري صح احنااا ناخد كل شيء والمعلومات كلها نعرفهااا بس ما نطبق زي البشري ناخدهااا للعلم فقط
لانو في ادوية ما ينفع نصرفهااا للمريض كدااا لازم في تحاليل تتعمل للمريض قبل وبعد وكمان احنا فارم دي يعني راح تكون بعد الرزدنس كلنيكل يعني اح تتعابع مرضى وكدا وانا شفت كلنيكل كاتبين وصفات للمرضى يعني لازم يكون عندك خلفية مرا ممتازة عن كل مرض دراستنا تعتبر نظرية لحد ما ماعدا سنة سادس الي نطبق فيهااا يعني لما نتخرج راح نشتغل صيادلة عادين
وزي ما قلت اغلب الطلاب بيسافروا امريكااا عشان ياخدوا الرزدنسي عشان احسن مكان في العالم بيعطي رزدنس طبعااا الرزدنس مو دراسة بس شغل في المستشفى عبارة عن سنتين سنة تطبيق عام للصيدلة والسنة التانية تخصص يعني ممكن تسير كلنيكل فارمسي في القلب او الاورام او المحاليل الدوائية او معلومات دوائية اي تخصص عاجبك بعد ما تخلص السنتين تسير كلنيكل تلقائيااا
في عندنا رزدنس في السعودية بس السنتين الي عندنا تعادل سنة برا

اتمنى اكون جاوبتك