[Conscientious]

اوأيد وبشده عبير العسيري فيما قالته

لا تزعلين مني ياحنين بس بالعكس انا احس ان المنتدى كان اول احسن قبل ما تحطين بعض القيود

حتى اذكر اني كنت دايما اساعد وكذا لان الاستفسارات كانت واضحة بحيث اني اول ما ادخل اشوفها والان كل ما ادخل اشوف نفس المواضيع احسها تخمج ايام ويدوب يطلع موضوع جديد

وفي شي مهم جداااااااااا انا الان اذا ساعدت وحده في موضوع الواجبات بس هي اللي بتستفيد بساذا كان موضوع مستقل اضمن ان تعبي ما راح سدى وان شريحه كبيره راح يستفيدوا

زي موضوع عبير هذا http://www.skaau.com/vb/showthread.php?t=184671

لو انه مدسوس كان ما شفته ورديه وبالعكس انا كمان استفدت لاني ما كنت اعرف هذا المعلومه من قبل واكيد كثير راح يدخلوا حتى لو ما يبغوا يساعدوا بس راح يثير فضولهم معرفه ما بداخل الموضوع

لكن اذا كان موضوع واحد ما راح يدخله الكل

بالعكس انا اوؤيد الاستفسارات خصوصا اذا كانت هادفه زي الموجود في الاعلى
وعادى زمان كان المنتدى ماشي زي الفل يعني مو لازم نحصر الاعضاء في مواضيع معينه

وايضا أؤيد وبقوه فكرة اكسبرت انه المواضيع الحلوه واللي الكل يستفيد منها تكون مثبته
والدورات والتجمعات والاستفسارات تكون تحت

وفي حاجه خطيررررررررره كمان اذكر زمان كان اذا واحد كتب استفسار مثل Help me او الحقوني يعد العنوان مخالف ويعدل والان اشوف عناوين كثيره مخالفه ( تعديل العنوان عامل جدا مهم عشان اذا احد يبغا يبحث يلاقي الموضوع بسرعه + يساعد في جذب الاعضاء للمساعده والاستفاده في نفس الوقت )

اللي ابغا اقوله انه انه بدل ما ننقل الاستفسار لموضوع الاستفسارات المثبت ممكن تعدلون العنوان بحيث انه يكون واضح وما يتوه الاعضاء

مثلا واحده تبغا معلومه عن استاذه وكتبت الرجاء دخول الجميع هنا بتضيع وقت الاعضاء اللي ما يعرفون هذى الاستاذه ومنهم الاولاد

الزبده

الاستفسارات في مواضيع مستقله لا تشتت ولا تضيع وقت الاعضاء اذا كان العنوان واضح وضوح الشمس

وطبعا يا حنين انا ما قلت هذا الكلام الا يوم حسيتك تبغين تعرفين رأي جميع الاعضاء ولا كان احتفظت به في نفسي

وتقبلي كلامي بصدر رحب
دمتي اختا عزيزه