[حأقعد عالكاشير]

كيفكم حبيباتي وكيف بداية الإجازة معاكم :)

حأخش في الموضوع على طووول
امس يوم الثلاثاء حضرت مراجعة مع شريفة
وأبغا أعطيكم ملخص من اللي قالتو وهدية بسيطة لكم

أول شي خلصنا الفصل الثالث وقفلنا عليه
ثاني شي اعطتنا درجات الاختبار وقالت انها نزلتها عالاوديوس
ثالث شي قالت البنات اللي مايشاركوا معاها عندهم فرصة ثانية عشان ياخذو درجة المشاركة
وهيا انهم يسووا تلخيص مبسط في جزء من الفصول القادمة أو على كل الفصل
ممكن يشترك في التلخيص بنتين أو ثلاثة كحد أقصى وحتناقش اللي سووا التلخيص في اللي كتبوا
الفصول الباقية اللي ممكن تسوي فيها هذا الشي هيا الفصل 4و5 و7و8 >> الفصل السادس مو معانا
نجي لآآآآآآآآآآآآخر شي أشرت معانا 40 مصطلح في الكتاب وقالت انو الاختبار النصفي حيكون اربع نماذج كل نموذج حيكون فيه 10 مصطلحات عليها 5 درجات
وهديتي لكم << فرحانة بهديتها خخخخخخخخ
جمعتلكم هذي المصطلحات بالعربي والانجليزي وكتبتها في صفحتين وورد
عشان أسهل علينا في المذاكرة وبس....

أدعووووولي
وإجازة سعيدة مليئة بالبحوث والتكاليف :(