العفو أخ قائد بلا جنود نورت الموضوع
مااعرف كيف المباني عند الاولاد بس احنا عندنا مباني كلها قاعات يعني مثلا مبنى 2 ومبنى 4 كلها كلاسات للدراسه وفي مباني للمواد مثلا التشريح وغيره يكون في المبنى المشرحه او المعمل وفيه كلاسات صغيره,,
عدد الطلاب اللي في الكلاس يختلف اذا محاضره مثلا يكون فيها تقريبا كل الدفعه والعملي يكون العدد قليل بس مااعرف كم حسب التقسيم
المشرحه تدخلوها عادي في اول ترم من سنه ثانيه
بالنسبه للتخصص :
بعد سادس ان شاءالله على خير لازم تخلص سنة الامتياز اللي هي تدريب عملي لمدة 12 شهر وخلالها تختار التخصص اللي تبغاه وتقدم عليه واذا جاك القبول بأمر الله تبدأ مع بداية السنه اللي بعدها يعني السنة الثامنه
التخصص تدرسه بطريقه يمكن مختلفه عن باقي الكليات يعني الطب نظامنا انه التخصص دراسه عمليه يعني لازم تنقبل في وظيفه في مستشفى وفي نفس الوقت تقدم لتخصص ولازم القبول يجي في الاثنين
تخصص بدون وظيفه ماتقدر تدرس ووظيفه بدون تخصص يعني انت طبيب عااااااام
يعني بعد ال6 سنوات تتدرب كطبيب عام وبعدها اذا توظفت اسمك طبيب عام الين تنقبل في تخصص
اتمنى تكون فهمت
واعتذر على الإطاله بس احس الموضوع لازم ينفهم وبتفصيل اكثر عشان كدا لو عندك أي سؤال اتفضل احنا في الخدمه..