أخي الكـريم :
اليوم بعد في قسم الطالبات صار لنا نفس الشي واكثر من سبعين طالبه اتواجدوا وقت الاختبار على اساس انهم مستوفين الشروط حسب كلام كثيرين ومنهم الاستاذ / عماد ان اللي مقبول يحق له دخول الاختبار لكن وقت الاختبار كانت المهزله الحقيقه جابوا قائمتين وعلى اساسها دخلوا الطالبات الاختبار ويمكن اللي دخل 30 طالبه فقط ..
طبعا نتوجه للعماده يقولون لنا القسم والقسم يقول العماده يعني بدون تقدير... طيب احنا وش ذنبنا اذا مافي تنظيم من البدايه يعني نذاكر فوق الشهر واخر شي ماندخل الاختبار ..
اللي سمعتو انه في حوالي 10 طالبات دخلوا الاختبار بعد اكثر من نصف ساعه .. طيب وش ذنب البقيه اللي استسلموا و توجهوا لبيوتهم بعد رفضهم ..
وبعدين انا شفت القوائم يعني فيه طالبات معدلاتهم مو عاليه عشان تقول انهم يختاروا بالمعدلات الاعلى .. وغيرا كذا في طالبات دخلوا من بدايه الاختبار مع ان اسمائهم مو موجوده وعند الاستفسار من الاستاذه المتواجده تقول :( ملفاتهم جايه الحين ) يعني ما يحتاج اقول ان شغل الواسطه باين عيني عينك .. بس لاحول ولا قوة الا بالله...